ஒவ்வொரு ஆண்டும் இந்தியா வல்லரசாவதற்கான இலக்கை தள்ளி வைத்துக் கொண்டே போவது மட்டும் தான் (ignoring) பாசிஸ்ட்டுகளின் சாதனை என தமிழ்நாடு அமைச்சர் உதயநிதி ஸ்டாலின் ஸ்டாலின் தெரிவித்துள்ளார்.
நாடாளுமன்றத்தில் மத்திய அரசின் இடைக்கால பட்ஜெட்டை மத்திய நிதி அமைச்சர் நிர்மலா சீதாராமன் நேற்று தாக்கல் செய்தார்.
இந்நிலையில் இந்த இடைக்கால பட்ஜெட்டில் தமிழகத்திற்கு எந்த ஒரு பயனும் இல்லை என தமிழக அரசியல் கட்சி தலைவர்கள் பலரும் தங்களது கண்டனங்களை தொடர்ந்து தெரிவித்து வருகின்றனர்.
அந்தவகையில் தற்போது தமிழ்நாடு இளைஞர் நலன் மற்றும் விளையாட்டு மேம்பாட்டு துறை அமைச்சர் உதயநிதி ஸ்டாலின் தனது கண்டனத்தை பதிவு செய்துள்ளார்.
இதுகுறித்து அமைச்சர் உதயநிதி வெளியிட்டுள்ள செய்தியில் கூறிருப்பதாவது :
மத்திய அரசின் இடைக்கால பட்ஜெட்டில் மீண்டும் தமிழ்நாட்டை பாசிஸ்ட்டுகள் புறக்கணித்திருக்கிறார்கள்.
எவ்வளவு மரியாதை கொடுத்தாலும், (ignoring) நிதி மட்டும் கொடுக்கவே மாட்டோம் என்கிற அவர்களின் நிலைப்பாட்டை வன்மையாகக் கண்டிக்கிறோம்.
இந்தியாவில் வேலைவாய்ப்பைப் பெருக்க – பண வீக்கத்தைக் கட்டுப்படுத்த – மக்களின் வாங்கும் திறனை அதிகரிக்க எந்த திட்டங்களையும் அறிவிக்காமல், 2047-ல் இந்தியாவை வல்லரசு ஆக்குவோம் என்று மீண்டும் ஒருமுறை அல்வா கிண்டியுள்ளார்கள்.
ஒவ்வொரு ஆண்டும் இந்தியா வல்லரசாவதற்கான இலக்கை தள்ளி வைத்துக் கொண்டே போவது மட்டும் தான் பாசிஸ்ட்டுகளின் சாதனை.
இடைக்கால பட்ஜெட்டில் கைவிரித்த பாசிஸ்ட்டுகளை, இனி எக்காலத்துக்கும் எழ முடியாத அளவுக்கு இந்திய மக்கள் வீழ்த்துவது உறுதி என அமைச்சர் உதயநிதி ஸ்டாலின் தெரிவித்துள்ளார்.
இதேபோல் இந்த இடைக்கால பட்ஜெட்டுக்கு கண்டனம் தெரிவித்துள்ள முன்னாள் நிதி அமைச்சர் பா.சிதம்பரம் கூறியதாவது :
வேகமாக வளரும் பொருளாதாரம் என்பது ஒரு வாதமே அல்ல. சீனாவின் ஜிடிபி நம் ஜிடிபியை விட ஐந்தரை மடங்கு அதிகம். அவர்கள் 3% வளர்ந்தால், நாம் 15% வளர வேண்டும். எனவே ஜிடிபி வளர்ச்சி பற்றி பேசாதீர்கள்.
Also Read : https://itamiltv.com/it-is-the-right-of-the-central-govt-to-grant-citizenship/
தனி நபர் வருமான வளர்ச்சி பற்றி பேசுங்கள். ஜிடிபி இவ்வளவு வேகமாக வளர்கிறதெனில், ஏன் தனி நபர் வருமானம் அதில் பாதி கூட வளரவில்லை?
ஜிடிபி 7% வளர்ந்தால் ஏன் தனிநபர் வருமானம் மட்டும் 2% அல்லது 3% வளர்ச்சி கொண்டிருக்கிறது? நிதி அமைச்சரிடம் சென்று இந்த கேள்வியைக் கேளுங்கள் என பா.சிதம்பரம் தெரிவித்துள்ளார்.