செல்போன் செயலி மூலம் மின்கட்டணத்தை கணக்கீடு செய்யும் முறையை மின்சார வாரியம் அறிமுகப்படுத்த உள்ளது. இந்த புதிய முறை இன்று முதல் சோதனை முறையில் தொடங்கவும் தமிழ்நாடு மின்சார வாரியம் திட்டமிட்டுள்ளது.
தமிழகத்தில் மின்வாரிய ஊழியர்கள் வீடு வீடாக சென்று, தனிநபர்களின் வீடுகள், கடைகளில் இருக்கும் மீட்டர்களில் ரீடிங் எடுத்து, மின் கட்டணத்தை கணக்கீடு செய்து வருகின்றனர்.
இந்த மின்கணக்கீட்டை பொதுமக்களுக்கு அவர்களின் மின் அட்டையில் மின் பயன்பாட்டுக்கான கட்டணத்தைக் குறித்து கொடுக்கின்றனர். இந்த தொகையை மின் வாரியத்தில் நேரடியாக அல்லது ஆன்லைன் மூலமாகவோ செலுத்தலாம்.
ஆனால் இயற்கை புயல், மழை போன்ற பேரிடர் காலங்களில் இந்த முறையில் நடைமுறைச்சிக்கல்கள் உருவாகின்றன. பெரிய சவாலாக மாறிவிடுகின்றன.
இந்நிலையில் செல்போன் செயலி மூலம் மின்கட்டணத்தை கணக்கீடு செய்யும் முறையை மின்சார வாரியம் அறிமுகப்படுத்த உள்ளது. இந்த புதிய முறை இன்று முதல் சோதனை முறையில் தொடங்கவும் தமிழ்நாடு மின்சார வாரியம் திட்டமிட்டுள்ளது.
![first-test-method-of-calculating-the-electricity-bill](https://i0.wp.com/itamiltv.com/wp-content/uploads/2022/02/F.webp?resize=600%2C306&ssl=1)
இந்த முறைப்படி மின்வாரிய செயலியில் மீட்டர் புகைப்படத்தை பதிவேற்றம் செய்ய வேண்டும் உடனே ஒருசில நிமிடங்களில் மின்கட்டண ரசீது குறுஞ் செய்தியாக நுகர்வோரின் மொபைல் எண்ணுக்கு அனுப்பி வைக்கப்படும். இந்த செயலியை கைப்பேசியில் பதிவிறக்கம் செய்து மின் கட்டணத்தை கணக்கீடு செய்யலாம் என அறிவித்துள்ளது.