சென்னை மழை வெள்ளத்தால் பாதிக்கப்பட்ட மக்களுக்கு இலவச சிறப்பு மருத்துவ முகாம் நடத்த உள்ளதாக விஜய் மக்கள் இயக்கம் அதிகாரப்பூர்வ அறிவிப்பை வெளியிட்டுள்ளது.
மிக்ஜாம் புயலால் பெய்த கனமழையின் காரணமாக சென்னையில் உள்ள பல்வேறு இடங்களில் மழைநீர் தேங்கியுள்ளது. இதனால் கடும் சிரமத்திற்கு ஆளாகியுள்ள பொதுமக்கள் அத்யாவசிய தேவைகளை கூட பெற முடியாமல் தவித்து வருகின்றனர் .
இந்நிலையில் மிக்ஜாம் புயல் வெள்ளத்தால் ஏற்பட்டுள்ள கடும் சேதங்களை சரி செய்திட இடைக்கால நிவாரணமாக 5,060 கோடி வழங்கிடக் கோரி, பிரதமர் மோடிக்கு தமிழ்நாடு முதலமைச்சர் மு.க.ஸ்டாலின் கடிதம் அனுப்பியுள்ளார்.
இந்நிலையில் தற்போது சீரமைப்பு பணிகள் தீவிரமாக நடைபெற்று வரும் தமிழக அரசு பல்வேறு நிவாரண உதவிகளையும் செய்து வருகிறது . மேலும் சிறப்பு மருத்துவ முகாம்கள் நடைபெறும் என்றும் அறிவித்துள்ளது.
இதையடுத்து தொழில் அதிபர்கள் அரசியல் தலைவர்கள் திரை பிரபலங்கள் என பலரும் முதலமைச்சரின் பொது நிவாரண நிதிக்கு தொடர்ந்து அவர்களால் முடிந்த உதவிகளை செய்து வரும் நிலையில் விஜய் மக்கள் இயக்கம் ஒரு சூப்பர் டூப்பர் அறிவிப்பை வெளியிட்டுள்ளது.
சென்னை மழை வெள்ளத்தால் பாதிக்கப்பட்ட மக்களுக்கு இலவச சிறப்பு மருத்துவ முகாம் நடத்த உள்ளதாக விஜய் மக்கள் இயக்கம் அதிகாரப்பூர்வ அறிவிப்பை வெளியிட்டுள்ளது.
சென்னையின் 25 இடங்களில் நடைபெறும் இந்த சிறப்பு முகாம்கள் வரும் 14ம் தேதி காலை 8.05 மணிக்கு தொடங்கி மதியம் 1 மணி வரை நடைபெறும் என்றும் பொதுமக்கள் அனைவரும் இந்த சிறப்பு முகமும் கலந்து கொண்டு பயன்பெறும் பெருமாறு கேட்டுக்கொள்ளப்படுவதாக தெரிவிக்கப்பட்டுள்ளது.