கமல்ஹாசன் அவர்களால் தொடங்கப்பட்ட மக்கள் நீதி மய்யம் கட்சி 7ம் ஆண்டில் அடியெடுத்து வைத்துள்ள நிலையில் (Kamal Explanation) இன்று சென்னையில் உள்ள தலைமை அலுவலகத்தில் கட்சியில் கொடி ஏற்றி வைத்தார்.
இதையடுத்து செய்தியாளர்களை சந்தித்த கமல்ஹாசன் கூறியதாவது :
மக்கள் நீதி மய்யம் கட்சி தொடங்கிய 6 ஆண்டுகளில் கற்ற பாடங்கள், செய்த சாதனைகள் என்னென்ன? என்பதை பட்டியலிட்டு தெரிவித்தார் .
விவசாயிகளுக்கு தமிழகம் செய்ததில் பத்து சதவீதம்கூட ஒன்றியம் செய்யவில்லை. நாட்டை படையெடுக்க வரும் எதிரிப்படைக்கு என்ன வரவேற்பு கிடைக்குமோ அப்படி ஒரு வரவேற்பு டெல்லியில் விவசாயிகளுக்கு கிடைக்கிறது.
விஜயின் அரசியல் பயணம் குறித்த கேள்விக்கு :
விஜய் சினிமாவை விட்டுவிட்டு அரசியலுக்கு வருவது அவரது பாணி; விஜய்யை முதன்முதலில் அரசியலுக்கு வரவேண்டும் என அழைத்தது நான் தான் என தெரிவித்தார்.
என்னை அரசியலிலுக்கு வர வைப்பது ரொம்ப கஷ்டம் என்றார்கள், போக வைப்பது அதை விட கஷ்டம்.
என் மக்களின் சோகத்தை பார்த்து அரசியலுக்கு வந்தவன், ஏதோ கோபத்தில் வந்தவன் அல்ல.
முழுநேர அரசியல் குறித்த கேள்விக்கு :
முழுநேர அரசியலுக்கு வருவது பற்றி என்னை நோக்கி கேள்வி கேட்கிறீர்களே.. நீங்கள் முழுநேர குடிமகனாகக் கூட இருப்பதில்லை..
40% பேர் வாக்கு செலுத்தக் கூட வராமல் வீட்டில் உட்கார்ந்திருக்கிறீர்கள்
முழுநேர அரசியல்வாதி என ஒருவனும் கிடையாது.. முழுநேர அப்பனும் கிடையாது, கணவனும் கிடையாது, பிள்ளையும் கிடையாது.. அவனவனுக்கு 8 மணிநேரம் வேலைக்கு போக வேண்டும், 8 மணிநேரம் தூங்க வேண்டும். 4 மணிநேரம் வீட்டில் இருந்தாக வேண்டும்.
சினிமாவில் மக்கள் கொடுத்த அன்புக்கு மீண்டும் வட்டியை திருப்பித் தர வேண்டும், அதற்குத்தான் அரசியலுக்கு வந்தேன்.
கட்சி நடத்துவது எல்லாமே நான் சம்பாதித்த பணத்தில்தான். இவ்வளவு திமிரோடு பேசுகிறேனே என நினைக்காதீர்கள்.. இந்த திமிர் எல்லாம் பெரியாரிடம் இருந்து வந்தது என கமல்ஹாசன் தெரிவித்தார்.
Also Read : https://itamiltv.com/vishal-angry-trisha-issue-vishal-condemned/
தேர்தல் கூட்டணி தொடர்பான கேள்விக்கு :
நல்ல செய்தி உடனே வந்து விடாது. (Kamal Explanation) கெட்ட செய்தி தந்தியில் வரும். நல்ல செய்தி கடிதத்தில்தான் வரும்.
கூட்டணி குறித்த பேச்சு வார்த்தை நடந்துக் கொண்டிருக்கிறது. இறுதியானவுடன் கூறுகிறேன் என கமல்ஹாசன் தெரிவித்தார்.