சா்வதேச சந்தையில் ஏற்பட்டுள்ள மாற்றம் காரணமாக தங்கம் விலை நாளுக்கு நாள் உயா்ந்து வருகிறது. அவ்வப்போது தங்கத்தின் விலை சரிந்தாலும் தங்கத்தின் விலை ஏற்றம் நகைப் பிரியர்களை அதிர்ச்சிக்குள்ளாக்கி வருகிறது.
2022 ஜனவரி 25ல் ஆபரணத் தங்கம் விலை சவரனுக்கு 36,840 ரூபாயாக இருந்தது. அதன் பின் தொடர்ந்து ஏற்ற இறக்கத்துடன் காணப்பட்டு வந்த தங்கத்தின் விலை டிசம்பர் 31ல் 41,040 ரூபாயாக அதிகரித்து, 2023 ஜனவரி 16ல் 42,536 ரூபாயாக மீண்டும் புதிய உச்சத்தை எட்டியது.
ஜனவரி 26ல் ஆபரணத் தங்கம் விலை சவரனுக்கு 43,040 ரூபாயாக உச்சமடைந்தது. பிப்ரவரி 2ல், தங்கம் இறக்குமதி வரி உயர்வினால், ஆபரணத் தங்கம் விலை, சவரனுக்கு 44,040 ரூபாயாக, இதுவரை இல்லாத அளவுக்கு உச்சமடைந்துள்ளது.
இந்நிலையில், மத்திய பட்ஜெட் தாக்கல் செய்யப்பட்டதன் எதிரொலியாக தங்கத்தின் விலையில் பெரும் ஏற்றம் காணப்பட்டது.
வியாழக்கிழமை காலை முதலே தங்கத்தின் விலை மேலும் அதிகரித்தது. ஒரே நாளில் பவுனுக்கு ரூ. 720 வரை உயா்ந்து மாலை நிலவரப்படி ரூ. 44,040-க்கு விற்பனையானது.
இந்த நிலையில் சென்னையில் 22 காரட் ஆபரணத் தங்கத்தின் விலை கிராமுக்கு ரூ. 65 குறைந்து ஒரு கிராம் ரூ. 5,440-க்கு விற்பனை செய்யப்படுகிறது. இதேபோன்று 22 காரட் ஆபரணத் தங்கம் விலை சவரனுக்கு ரூ.520 குறைந்து ஒரு சவரன் ரூ. 43,520 விற்பனை செய்யப்படுகிறது.
மேலும், சென்னையில் ஒரு கிராம் வெள்ளி ரூ.1.40 குறைந்து ரூ. 76.40க்கு விற்பனை செய்யப்பட்டு வருகிறது.