பகுஜன் சமாஜ் கட்சி மாநிலத் தலைவர் ஆம்ஸ்ட்ராங் கொலை சம்பவத்தில் முக்கிய ஆதாரமாக கிடைத்திருக்கும் பதறவைக்கும் சிசிடிவி காட்சிகளை போலீசார் வெளியிட்டுள்ளனர்
கடந்த 5 ஆம் தேதி மாலை பகுஜன் சமாஜ் கட்சி மாநிலத் தலைவர் ஆம்ஸ்ட்ராங்கை சுற்றி வளைத்து தாக்கும் காட்சி மற்றும் அவரைக் கொல்ல நோட்டமிட்ட சிசிடிவி காட்சிகளில் கைதானவர்கள் இடம்பெற்றுள்ளனர்
இதில் தொடர்புடைய திருவேங்கடம் இன்று காலை புழல் அருகே என்கவுண்டரில் சுட்டுக்கொல்லப்பட்டுள்ள நிலையில் இந்த திடுக்கிடும் சிசிடிவி காட்சிகளை போலீசார் வெளியிட்டுள்ளனர்.
போலீசார் வெளியிட்டுள்ள இந்த சிசிடிவி காட்சியில் கைதானவர்கள் இருசக்கர வாகனங்களில் டெலிவரி பாய் உடையில் வருவது போன்றும் இன்று போலீசாரால் என்கவுண்டர் செய்யப்பட்ட திருவேங்கடம் கருப்பு உடையில் வந்து ஆம்ஸ்ட்ராங் மீது முதல் தாக்குதல் நடத்துவது போன்ற நிகழ்வுகள் அந்த சிசிடிவி காட்சியில் இடம்பெற்றுள்ளன.
