மதுரை மாநகர், ஆனையூர் அருகே மலர்நகர் பகுதியில ரோஜாமலர் தெருவில் புகழ் இந்திரா என்ற நபர் தன்னுடைய இரண்டு வீட்டினை OLX மூலமாகவும், புரோக்கர்கள் மூலமாகவும் 10 பேருக்கு ஒத்திக்கு விட்டு மோசடி செய்த நிலையில் கூடல்புதூர் காவல்துறையினர் கைது செய்துள்ளனர்.
ஆனையூர் அருகே, மலர்நகர் பகுதியில் ரோஜாமலர் தெருவில் புகழ் இந்திரா என்ற நபர் தன்னுடைய இரண்டு வீட்டினை OLX மூலம் ஒத்திக்கு விடுவதாக விளம்பரம் செய்துள்ளார்.
இதனைப் பார்த்த மதுரை ஆவின் நகர் பகுதியை சேர்ந்த அருண்குமார் என்பவர் புகழேந்திராவை சந்தித்து 8 லட்சம் ரூபாய் கொடுத்து வீட்டை ஒத்துக்கு பேசியுள்ளார்.
இதனையடுத்து, வீட்டின் சாவியை வாங்க 15 நாட்களுக்கு பின்னர், வாங்க வரும்படி கூறிவிட்டு புகழ் இந்திரா தலைமறைவாகியுள்ளார்.
இதேபோன்று, காவல்துறை உயர் அதிகாரியின் உறவினர்கள் உட்பட 10ற்கும் மேற்பட்டோரிடம் ஒரே வீட்டைக் காட்டி 50 லட்சம் வரை ஏமாற்றியுள்ளார்.
ஒவ்வொரு நபர்களிடமும் தலா 8 லட்சம் ரூபாய் வரை வாங்கிவிட்டு வீடு பராமரிப்பு எனக் கூறி தாமதப்படுத்திவிட்டு மற்றொரு நபர்களுக்கும் ஒத்திக்கிவிட்டு மோசடி செய்துள்ளார்.
இச்சம்பவம் தொடர்பாக, முதற்கட்டமாக 4பேர் புகார் அளித்த நிலையில், அடுத்தடுத்து தொடர்ந்து புகார்கள் வந்தது கூடல்நகர் காவல்துறையினர் அதிர்ச்சியை ஏற்படுத்தி உள்ளது.
இதனையடுத்து, தலைமறைவான புகழ் இந்திராவை கைது செய்த காவல்துறையினர் அவரை நீதிமன்றத்தில் ஆஜர்படுத்தி சிறையில் அடைத்தனர்.
