முதல்வர் ஸ்டாலின் வெளிநாடு (Foreign) செல்லும் நிலையில், அமைச்சர் உதயநிதி ஸ்டாலின் துணை முதலமைச்சராக நியமிக்கப்படவுள்ளதாக தலைமை செயலக வட்டார தகவல்கள் தெரிவிக்கின்றன.
சென்னை – சேப்பாக்கம் திருவல்லிக்கேணி தொகுதி எம்.எல்.ஏ.வான உதயநிதி ஸ்டாலின்(46), எம்.எல்.ஏ.வாக ஆன 2 வருடத்தில் இளைஞர் நலன் மற்றும் விளையாட்டு மேம்பாட்டுத் துறை அமைச்சரானார்.
தனக்கு ஒதுக்கப்பட்ட துறையில் தொடர்ந்து செயலாற்றி வரும் உதயநிதி, துணை முதலமைச்சர் ஆவார் என அறிவாலய வட்டாரத்தில் ஏற்கனவே பேசப்பட்டு வந்தது. இந்த நிலையில் தற்போது அப்பொறுப்பு முன்கூட்டியே வழங்கப்படலாம் என தலைமை செயலக வட்டார தகவல்கள் தெரிவிக்கின்றன.
ஒருபுறம் திமுக இளைஞரணி மாநாடு மறுபுறம் பாராளுமன்ற பொது தேர்தலுக்கான 40 தொகுதிகளுக்கான பிரச்சாரங்கள் என உதயநிதி ஸ்டாலினை மையப்படுத்திய திட்டங்கள் செயல்படுத்தப்பட்டு வருகிறது.
இந்த நிலையில், அவருக்கு துணை முதலமைச்சர் பதவி வழங்கப்படும் என்று கட்சி நிர்வாகிகள் மத்தியில் பேசப்பட்டு வந்தது.
அந்த வகையில் தற்போது பிப்ரவரியில் முதலமைச்சர் மு.க.ஸ்டாலின் வெளிநாட்டுப் (Foreign) பயணத்தை மேற்கொள்வார் என்று கூறப்படுகிறது.
அதன்படி ஜன.28ஆம் தேதி ஸ்பெயின் நாட்டுக்கு செல்லும் முதலமைச்சர் ஸ்டாலின், ஸ்பெயினை தொடர்ந்து ஆஸ்திரேலியா, அமெரிக்கா ஆகிய நாடுகளுக்கு செல்கிறார்.
இதையும் படியுங்க : https://itamiltv.com/court-custody-extended-till-22nd-january-when-will-senthil-balaji-get-bail/
அதற்கு முன்னதாக அமைச்சர் உதயநிதி ஸ்டாலின் துணை முதல்வராகப் பொறுப்பேற்க வழிவகை செய்யப்படலாம் எனவும் தலைமை செயலக வட்டாரம் தரப்பில் தகவல்கள் வெளியாகியுள்ளன.
![Foreign](https://i0.wp.com/itamiltv.com/wp-content/uploads/2024/01/1967284-udhayanidhi-stalin.webp?resize=1024%2C614&ssl=1)
மேலும், தற்போது முதலமைச்சர் முக ஸ்டாலின் வசம் உள்ள துறைகளில் இருந்தும் சில துறைகள் உதயநிதி ஸ்டாலினுக்கு ஒதுக்கப்படலாம் என்பது கூடுதல் தகவலாக சொல்லப்படுகிறது.
https://x.com/ITamilTVNews/status/1745409075465343254?s=20
தற்போதைய இத்தகவல்கள் மூலம் உதயநிதி ஸ்டாலினின் துணை முதல்வர் பதவி மற்றும் திமுகவின் வாரிசு அரசியல் உள்ளிட்ட விவகாரங்கள் மீண்டும் ஒருமுறை பேசுபொருள் ஆகியுள்ளன.
சமீபத்தில் பிறந்தநாளை கொண்டாடிய அமைச்சர் உதயநிதி ஸ்டாலினிடம், துணை முதல்வர் பொறுப்பு குறித்து அவரிடம் பத்திரிகையாளர்கள் கேள்வி எழுப்பி இருந்தனர்.
அப்போது ”நான் எப்படி அதைச் சொல்ல முடியும் ? முதல்வர் தான் முடிவு எடுப்பார் ” என்று உதயநிதி ஸ்டாலின் கூறி இருந்தார் என்பது குறிப்பிடத் தக்கது