‘ஜெயிலர்’ படத்தின் மெகாஹிட் வெற்றியை தொடர்ந்து ஊழியர்களுக்கு வெள்ளி நாணயம் வழங்கி சிறப்பித்துள்ளார் அப்படத்தின் தயாரிப்பாளர் கலாநிதி மாறன்.
நெல்சனின் இயக்கத்தில் சூப்பர் ஸ்டார் ரஜினிகாந்தின் நடிப்பில் அண்மையில் வெளியான திரைப்படம் ஜெயிலர். சன் பிச்சர்ஸ் நிறுவனத்தின் தாராள பொருட்செலவில் இப்படம் பிரம்மாண்டமாக தயாரிக்கப்பட்டது .
ரசிகர்களின் உச்சக்கட்ட எதிர்பார்ப்புகளுக்கிடையே திரையரங்குகளில் கோலாகலமாக வெளியான இப்படம் வசூல் ரீதியாகவும், விமர்சன ரீதியாகவும் மாபெரும் வெற்றி படமாக உருவெடுத்தது .
இந்நிலையில் ஜெயிலர் படத்தின் மாபெரும் வெற்றிக்கு முக்கிய காரணமாக இருந்த சூப்பர் ஸ்டார் ரஜினிகாந்த் , இயக்குநர் நெல்சன் ,மற்றும் இசையமைப்பாளர் அனிருத் ஆகியோருக்கு தயாரிப்பாளர் கலாநிதி மாறன் விலையுயர்ந்த கார்களை பரிசாக வழங்கி சிறப்பித்த நிலையில் ஜெயிலர் படத்தில் பணியாற்றிய 300 பேருக்கு தங்க நாணயம் வழங்கி சிறப்பித்திருந்தார் .
இதையயடுத்து ஜெயிலர் படத்தின் ப்ளாக் பஸ்டர் வெற்றியை மீண்டும் ஒரு முறை கொண்டாடும் வகையில் நிறுவனத்தில் பணியாற்றும் ஊழியர்களுக்கு 25 கிராம் மதிப்புள்ள வெள்ளி நாணயம் வழங்கி வெற்றியை கொண்டாடி மகிழ்ந்துள்ளது தயாரிப்பு நிறுவனம்.
