மறைந்த முன்னாள் முதலமைச்சர் கலைஞர் கருணாநிதியின் 101வது பிறந்த நாளையொட்டி சென்னை மெரினாவில் ( kalaingar 101 ) உள்ள அண்ணா மற்றும் கலைஞர் நினைவிடங்களில் முதலமைச்சர் மு.க.ஸ்டாலின் மலர் தூவி மரியாதை செலுத்தினார்.
இதை தொடர்ந்து கலைஞர் நூற்றாண்டு நிறைவு சிறப்பு மலரை வெளியிட்ட முதலமைச்சர் மு.க.ஸ்டாலின் நினைவிடம் அருகே அமைக்கப்பட்டுள்ள கலைஞரின் வரலாற்றை விளக்கும் சிறப்பு புகைப்படக் கண்காட்சியையும் பார்வையிட்டார்.
Also Read : தமிழகத்தில் 36 சுங்கச்சாவடிகளில் கட்டண உயர்வு அமலுக்கு வந்தது..!!
பின்னர் அங்கேயே அமைக்கப்பட்டுள்ள மினி திரையரங்கிற்கு சென்ற முதலமைச்சர் மு.க.ஸ்டாலின் கலைஞரின் சாதனைகள், வரலாற்றை விளக்கும் குறும்படத்தையும் பார்வையிட்டார்.
இந்த நிகழ்வில் அமைச்சர்கள் துரைமுருகன், எ.வ.வேலு, சேகர்பாபு, உதயநிதி ஸ்டாலின், ( kalaingar 101 ) கே.என்.நேரு, பொன்முடி, எம்.ஆர்.கே.பன்னீர்செல்வம், சாமிநாதன், மூர்த்தி, நாடாளுமன்ற உறுப்பினர்கள் கனிமொழி, தயாநிதி மாறன், தமிழச்சி, ஆ.ராசா, சட்டமன்ற உறுபினர்கள் மற்றும் கட்சியின் முக்கிய நிர்வாகிகள் உடன் இருந்தனர்.