தமிழ் சினிமாவின் முன்னணி நடிகராக வலம் வருபவர் விஜய். இவரது மகன் ஜேசன் சஞ்சய், தமிழ் சினிமாவில் இயக்குனராக அறிமுகமாகி உள்ளார். இதற்காக லண்டனில் உள்ள டொராண்டோ திரைப்பட கல்லூரியில் படித்துள்ள ஜேசன் சஞ்சய், லைகா நிறுவனத்தின் தயாரிபில் தனது முதல் படத்தை இயக்கவுள்ளார்.
தந்தையை போல் நடிகராக களமிறங்காமல் இயக்குனராக அறிமுகமாகி இருக்கும் ஜேசன் சஞ்சய், தன் முதல் படத்திற்கான ஆரம்பக்கட்ட பணிகளை விறுவிறுப்பாக மேற்கொண்டு வருகிறார். விரைவில் அப்படத்தின் ஷூட்டிங் தொடங்கப்படும் என எதிர்பார்க்கப்படும் நிலையில், கதைக்கு ஏற்ற நடிகர்களையும் டெக்னீஷியன் குழுவையும் தேடும் பணியில் ஜேசன் சஞ்சய் ஈடுபட்டுள்ளார்.
ஜேசன் சஞ்சய் இயக்கும் முதல் படத்தில் முன்னதாக விஜய் சேதுபதி தான் ஹீரோவாக நடிக்க உள்ளார் என தகவல் பரவியது. இந்நிலையில் ஜேசன் சஞ்சய் இயக்கும் முதல் படத்தில் கவின் ஹீரோவாக நடிக்க இருப்பதாக தகவல் வெளியாகி உள்ளது. அதுமட்டுமின்றி இந்த படத்திற்கு இசையமைப்பாளர் அனிருத் இசையமைக்கயுள்ளதாகவும் தகவல் வெளியாகியுள்ளது.
தமிழ் சினிமாவின் வளர்ந்து வரும் நடிகர்களில் கவினும் ஒருவர். சின்னத்திரை மூல சினிமாவிற்குள் நுழைந்த இவர், பிக்பாஸ் நிகழ்ச்சியில் போட்டியாளராக பங்கேற்றதை தொடர்ந்து வெள்ளித் திரையில் கால்பதித்தார்.
லிஃப்ட், டாடா உள்ளிட்ட படங்களில் ஹீரோவாக நடித்த இவருக்கு ரசிகர்கள் மத்தியில் நல்ல வரவேற்பு கிடைத்தது. இந்த நிலையில் விஜய்யின் மகன் ஜேசன் சஞ்சய் இயக்கம் படத்தில் நடிக்க உள்ளதாக தகவல்கள் வெளியாகி உள்ளது.