மயிலாடுதுறை பகுதியில் உள்ள மக்களை கடந்த சில நாட்களாக அச்சுறுத்தி வந்த சிறுத்தை ( thanjai ) தற்போது தஞ்சை, திருவாரூர் எல்லையில் முகாமிட்டுருப்பதாக அதிர்ச்சி தகவல் வெளியாகி உள்ளது.
மயிலாடுதுறை பகுதியில் உள்ள சாலைகளில் நல்ல பருவம் வாய்ந்த வலுமையான சிறுத்தை சுற்றித்திரிந்த சிசிடிவி வீடியோ காட்சிகள் கடந்த சில நாட்களுக்கு முன் வெளியான நிலையில் சிறுத்தையால் உயிருக்கு ஆபத்து நேர்ந்திடுமோ என்ற பயத்தில் இரவில் நடமாடுவதை அப்பகுதி மக்கள் முழுமையாக தவிர்த்து வருகின்ற்னர்.
அதற்கேற்றாற் போல் சிறுத்தை நடமாட்டம் உள்ள பகுதிகளில் இருக்கும் மக்கள் பாதுக்காப்பாக இருக்கும் படி காவல்துறை துறை சார்பிலும் தொடர்ந்து அறிவுறுத்தப்பட்டு வருகிறது.
Also Read : https://itamiltv.com/enforcement-department-raids-in-jafar-sadiqs-hotel/
இதற்கிடையில் மயிலாடுதுறையில் அச்சுறுத்தி வரும் சிறுத்தையை பிடிக்க 7வது நாளாக வனத்துறை தீவிரம் காட்டி வரும் நிலையில் பல இடங்களில் கண்காணிப்பு கேமராக்களும் பொருத்தப்பட்டு தொடர்ந்து கண்காணிக்கப்பட்டு வருகிறது.
இந்நிலையில் சிறுத்தை நடமாட்டம் குறித்து தஞ்சாவூர் மற்றும் திருவாரூர் மாவட்ட எல்லைகளில் வனத்துறையினர் தீவிர கண்காணிப்பு பணிகளில் ஈடுபட்டுள்ளதாக தகவல் வெளியாகி வருகிறது.
மயிலாடுதுறையில் ஒரு வாரமாக முகாமிட்டிருந்த சிறுத்தை அருகில் உள்ள தஞ்சை அல்லது திருவாரூர் சென்றிருக்க வாய்ப்பு இருப்பதாகவும் மயிலாடுதுறையில் 16 இடங்களில் கூண்டு வைக்கப்பட்ட நிலையில் ( thanjai ) எங்கும் சிறுத்தை சிக்கவில்லை என்பதால் தஞ்சாவூர் மற்றும் திருவாரூர் மாவட்டங்களில் வன அலுவலர்கள் மூலமாக சிறுத்தையை தேடும் பணி தீவிரப்படுத்தப்பட்டுள்ளதாகவும் வனத்துறை தகவல் தெரிவித்துள்ளது.