சிறு கிராமத்தில் பிறந்து கிரிக்கெட் உலகின் ஜாம்பவானாவக உருவெடுத்துள்ள எம்.எஸ்.தோனி தற்போது சினிமா பக்கம் தனது கால்தடத்தை சத்தமின்றி பதித்துள்ளார் .
தோனி என்டர்டைன்மெண்ட் என்ற பெயரில் தயாரிப்பு நிறுவனம் ஒன்றை தொடங்கியுள்ள தோனி தமிழ் ரசிகர்களின் மேல் உள்ள அளவற்ற காதலால் தனது முதல் படத்தை தமிழில் தயாரிக்க முடிவு செய்துள்ளார் .
அதன்படி தோனி மற்றும் சாக்ஷி தோனி இணைத்து தயாரிக்கும் லெட்ஸ் கெட் மேரிட் என்ற படத்தில் ஹரிஷ் கல்யாண் ஹீரோவாக நடிக்கிறார். லவ் டுடே படத்தில் நடித்து இளசுகளின் மனதை கொள்ளைகொண்ட நடிகை இவானா ஹரிஷ் கல்யாணுக்கு ஜோடியாக நடிக்கிறார். இவர்களுடன் யோகிபாபு, நதியா,மிர்ச்சி விஜய் , பூஜித்த ,VTV கணேஷ் உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடிக்கின்றனர் .
ரமேஷ் தமிழ்மணி இயக்கிய இந்த படத்திற்கு அவரே இசையும் அமைத்திருக்கிறார். இந்நிலையல் LGM படத்தின் ஆடியோ மற்றும் ட்ரெய்லர் வெளியீட்டு விழா சென்னையில் நேற்று கோலாகலமாக நடைபெற்றுள்ளது . இதில் தல தோனியும் அவரது மனைவி சாக்ஷியும் கலந்துகொண்டு LGM படத்தின் ஆடியோ மற்றும் ட்ரைலரை வெளியிட்டனர் .
எம்.எஸ்.தோனி தயாரிக்கும் முதல் படம் என்பதால் இந்த படத்தின் மேல் ரசிகர்கள் மத்தியில் மிக பெரிய எதிர்பார்ப்பு நிலவி வரும் நிலையில் LGM படத்தின் ட்ரைலர் அந்த எதிர்பார்ப்பை மேலும் அதிகப்படுத்தியுள்ளது.
இதோ LGM படத்தின் ட்ரைலர்..
