ரசிகர்களின் பெரும் வரவேற்பை பெற்ற நடிகர் விஜய் சேதுபதியின் ‘மகாராஜா’ திரைப்படம் சீனாவில் வெளியாக உள்ளதாக தகவல் வெளியாகி உள்ளது.
தமிழ் சினிமாவில் மாஸ் ஹீரோக்களில் ஒருவராக வலம் வரும் நடிகர் விஜய் சேதுபதியின் 50 ஆவது படமாக உருவான திரைப்படமே மகாராஜா.
நித்திலன் சாமிநாதன் இயக்கத்தில் உருவான இப்படம் கடந்த சில நாட்களுக்கு முன் திரையரங்குகளில் வெளியாகி வசூல் ரீதியாவும் விமர்சன ரீதியாகவும் ரசிகர்களின் பேராதரவை பெற்று மாபெரும் வெற்றி படமாக உருவெடுத்தது.
Also Read : வியக்க வைத்த ஹாக்கா நடனம் : நியூசிலாந்து நாடாளுமன்றத்தை அதிர வைத்த மௌரி எம்.பி..!!
இந்நிலையில் இப்படம் OTT தளத்திலும் வெளியாகி நல்ல வரவேற்பை பெற்ற நிலையில் தற்போது இப்படம் சீனாவில் வெளியாக உள்ளதாக தரமான தகவல் ஒன்று வெளியாகி உள்ளது.
அதன்படி நித்திலன் சாமிநாதன் இயக்கத்தில் விஜய் சேதுபதி நடிப்பில் உருவான ‘மகாராஜா’ திரைப்படம், சீனாவில் நவ.29-ம் தேதி வெளியாக உள்ளதாகவும் அலிபாபா குழுமம் இந்த படத்தை வெளியிடவுள்ளதாகவும் தயாரிப்பு நிறுவனம் தகவல் தெரிவித்துள்ளது.
