தமிழ் சினிமாவில் உச்சத்தில் இருக்கும் டாப் ஹீரோக்களில் ஒருவராக வலம் வரும் சிவகார்த்திகேயனின் மாறுபட்ட நடிப்பில் உருவாகியுள்ள படம் மாவீரன் . கடந்த 14 ஆம் தேதி உலகம் முழுவதும் உள்ள திரையரங்குகளில் கோலாகலமாக வெளியான இப்படம் ரசிகர்களின் அமோக ஆதரவை பெற்று வசூல் வேட்டை நடத்தி வருகிறது .
யோகி பாபுவை வைத்து மண்டேலா என்ற டாப்பு டக்கர் கமெர்சியல் படத்தை இயக்கிய மடோன் அஸ்வின் இயக்கத்தில், எஸ்.கேவின் நடிப்பில் புதுவித கதைக்களத்தில் உருவாகியுள்ள மாவீரன் படத்திற்கு வசூல் ரீதியாகவும் விமர்சன ரீதியாகவும் நல்ல வரவேற்பு கிடைத்து வருகிறது .
குடும்பங்கள் கொண்டாடும் படமாக உருவெடுத்துள்ள இப்படத்தில் எஸ்.கே-வுக்கு ஜோடியாக இயக்குனர் ஷங்கரின் செல்ல மகள் அதிதி நடிக்க சுனில், யோகி பாபு, சரிதா, மிஸ்கின் உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடித்துள்ளனர்.மேலும் இப்படத்தில் மக்கள் செல்வன் விஜய்சேதுபதி தனது குரல் மூலம் நடித்திருப்பது குறிப்பிடத்தக்கது.
அருண் விஷ்வாவின் சாந்தி டாக்கிஸ் தயாரிப்பில் பிரம்மாண்ட பட்ஜெட்டில் உருவான இப்படம் ரசிகர்கள் மத்தியில் நல்ல வரவேற்பை பெற்று வரும் நிலையில் படம் வெளியாகி 4 நாட்களில் உலகம் முழுவதும் ரூ.50 கோடி வசூலை ஈட்டியுள்ளதாக படக்குழு அறிவித்துள்ளது.
மாவீரன் இந்த ஆண்டில் விஜய்யின் ‘வாரிசு’, அஜித்தின் ‘துணிவு’, மணிரத்னத்தின் ‘பொன்னியின் செல்வன் 2’ படங்களுக்குப் பிறகு அதிக வசூலை ஈர்த்த படம் என்ற பெருமையை பெற்றுள்ளது குறிப்பிடத்தக்கது .
