வங்கக்கடலில் உருவாகியுள்ள மிக்ஜாம் புயல் காரணமாக டிசம்பர் 4, 6ம் தேதிகளில் நடைபெற இருந்த TNPSC நேர்முகத் தேர்வுகள் ஒத்திவைக்கப்படுவதாக அறிவிக்கப்பட்டுள்ளது.
கடந்த (01-12-2023) அன்று தென்மேற்கு வங்கக்கடல் பகுதிகளில் நிலவிய காற்றழுத்த தாழ்வு மண்டலம் மேற்கு-வடமேற்கு திசையில் நகர்ந்து நேற்று (02-12-2023) காலை 05:30 மணி அளவில் ஆழ்ந்த காற்றழுத்த தாழ்வு மண்டலமாக வலுப்பெற்றது.
இந்நிலையில், ஆழ்ந்த காற்றழுத்த தாழ்வு மண்டலம் புயலாக வழுவதடைந்துள்ளது . மிக்ஜாம் என பெயரிடப்பட்ள்ள இந்த புயல் சென்னையில் இருந்து 310 கிலோ மீட்டர் தென்கிழக்கு திசையில் நிலைகொண்டுள்ளதாக இந்திய வானிலை ஆய்வு மையம் தெரிவித்துள்ளது.
இதையடுத்து டிச.4ம் தேதி நாளை மாலை வட தமிழகம், தெற்கு ஆந்திரா கடலோர பகுதியில், சென்னைக்கும் மசிலிபட்டினத்திற்கும் இடையே புயலாக கரையை கடக்க வாய்ப்புள்ளது என்று இந்திய வானிலை மையம் கூறியுள்ளது.
இந்நிலையில் வங்கக்கடலில் உருவாகியுள்ள மிக்ஜாம் புயல் காரணமாக டிசம்பர் 4, 6ம் தேதிகளில் நடைபெற இருந்த TNPSC நேர்முகத் தேர்வுகள் ஒத்திவைக்கப்படுவதாக அறிவிக்கப்பட்டுள்ளது.
புயல் காரணமாக நாளை மற்றும் நாளை மறுநாள் நடைபெற இருந்த மெட்ராஸ் பல்கலைக்கழகம் மற்றும் அண்ணா பல்கலைக்கழகம் தேர்வுகளும் ஒத்திவைக்கப்பட்டிருப்பது குறிப்பிடத்தக்கது.