தமிழக பாரதிய ஜனதாவின் முதல் சட்டமன்ற உறுப்பினர் சி.வேலாயுதன் மறைவுக்கு தமிழக பா.ஜ.க தலைவர் அண்ணாமலை இரங்கல் தெரிவித்துள்ளார்.
இதுதொடர்பாக அவர் தனது எக்ஸ் தளப் பக்கத்தில் கூறியிருப்பதாவது;-
தமிழக பாஜகவின் முதல் சட்டமன்ற உறுப்பினரும், கட்சியின் முன்னோடிகளில் ஒருவருமான, ஐயா C.வேலாயுதன் காலமானார் என்ற செய்தி மிகுந்த வருத்தமளிக்கிறது.
கட்சியின் வளர்ச்சிக்கு அரும்பாடு பட்டவர். கொள்கைப் பிடிப்பு மிக்கவர். கடினமான உழைப்பாளி. தமிழகத்தில் பாஜகவின் வளர்ச்சிக்கான நம்பிக்கையை விதைத்தவர்.
ஐயா வேலாயுதன் அவர்களைப் பிரிந்து வாடும் அவரது குடும்பத்தினர் மற்றும் உறவினர்களுக்கு, ஆழ்ந்த இரங்கல்களைத் தெரிவித்துக் கொள்கிறேன். அவரது ஆன்மா, இறைவனடி சேர வேண்டிக் கொள்கிறேன்.
ஓம் சாந்தி !
இவ்வாறு கூறியுள்ளார்.
பாஜகவின் வளர்ச்சிக்கான நம்பிக்கையை விதைத்தவர்
நாகர்கோவில் அடுத்த கருப்புகோடு கிராமத்தை சேர்ந்தவர் வேலாயுதம்.1996 சட்டமன்ற தேர்தலில், பத்மநாபபுரம் தொகுதியில் இருந்து தேர்ந்தெடுக்கப்பட்டார். தமிழக சட்டமன்றத்தில் நுழைந்த முதல் பா.ஜ.க. உறுப்பினர் இவர் ஆவார்.
தனக்கென இருந்த ஒரே சொத்தான வீட்டையும் மன வளர்ச்சி குன்றிய குழந்தைகள் பள்ளிக்கு கொடுத்துவிட்டு நாகர்கோவிலில் உள்ள அன்பு ஆதரவற்ற குழந்தைகள் இல்லத்தில் தங்கியிருந்து சேவை செய்து வந்தார் வேலாயுதம். தற்போது வயது மூப்பின் காரணமாக அவர் உயிரிழந்துள்ளார்.
ஓம் ஷாந்தி