கடலூர் அருகே தகாத உறவில் இருந்த 2வது மனைவியை கொலை செய்த கணவனை போலீசார் தேடி வருகின்றனர்.
![](https://i0.wp.com/itamiltv.com/wp-content/uploads/2024/05/murder-women.jpg?resize=1024%2C576&ssl=1)
கடலூர் முதுநகர் அருகே உள்ள சோனாங்குப்பத்தைச் சேர்ந்தவர் ரமேஷ். வெளிநாட்டில் வேலை பார்த்து வந்த ரமேஷ் கடந்த 6 மாதங்களுக்கு முன்பாக சொந்த ஊர் திரும்பி இங்கேயே தொழில் செய்து வந்துள்ளார். ரமேஷ், அக்காள் தங்கையான இந்துமதி மற்றும் சூர்யா ஆகிய இருவரையும் திருமணம் செய்து கொண்டதாகக் கூறப்படுகிறது. இதில் 2வது மனைவி சூர்யா, கணவர் வெளிநாட்டில் இருந்தபோதே, வேறு ஒருவருடன் தகாத உறவில் இருந்ததாகச் சொல்லப்படுகிறது. ரமேஷ் இதனை கண்டித்தும் சூர்யா கேட்காததால் அவர் வெளிநாட்டில் இருந்து வந்து இங்கேயே இருந்துள்ளார். உறவினர்களும், குடும்பத்தாரும் சமாதானம் பேசி சூர்யாவை ரமேஷுடன் ஒழுங்காக குடும்பம் நடத்தக் கூறியுள்ளனர்.
இதையும் படிங்க: நெல்லை ஆட்சியரகம் முன்பு தீக்குளித்தவர் உயிரிழப்பு
ஆனாலும், சூர்யா அதனைக் கண்டு கொள்ளாததால், கணவன், மனைவி இடையே அடிக்கடி தகராறு ஏற்பட்டு வந்துள்ளது. இந்த நிலையில் இன்று (மே 17) அதிகாலை மீண்டும் , சூர்யாவுக்கும், ரமேஷுக்கும் இடையே கள்ளத்தொடர்பு விவகாரத்தால் தகராறு ஏற்பட்டுள்ளது.
அப்போது ஆத்திரம் அடைந்த ரமேஷ், வீட்டில் இருந்த கத்தியை எடுத்து மனைவி சூர்யாவின் கழுத்து, கை என உடலில் பல இடங்களில் வெட்டியுள்ளார். இதில் ரத்தவெள்ளத்தில் மயங்கி சரிந்த சூர்யா அங்கேயே பரிதாபமாக உயிரிழந்தார். ரமேஷ் அங்கிருந்து தப்பிச் சென்றுள்ளார்.
இந்த கொலை சம்பவம் குறித்த தகவலில் அங்கு வந்த கடலூர் முதுநகர் போலீசார், சூர்யாவின் சடலத்தைக் கைப்பற்றி உடற்கூறாய்வுக்காக கடலூர் அரசு மருத்துவமனைக்கு அனுப்பி வைத்தனர். தொடர்ந்து கடலூர் துணை கண்காணிப்பாளர் பிரபு விசாரணை நடத்தினார். மேலும் மனைவியைக் கொன்றுவிட்டு தலைமறைவான ரமேஷை போலீசார் தேடி வருகின்றனர்.
கள்ளத்தொடர்பை கைவிடவில்லை எனத் தெரிகிறது.
இதையும் படிங்க: ”விஜய் சேதுபதி’யின் VJS 51 ..” படம் குறித்து வெளியான மாஸ் அப்டேட்!