மக்களின் பணத்தை ஊழல் செய்து கொள்ளையடிப்பவர்களையும், கள்ளச்சாராயம், போதை மருந்து கடத்துபவர்களையும் திமுக அரசு கண்டுகொள்வதில்லை. ஆனால், ஏழை எளிய மக்களின் மீது மட்டும் தங்கள் அதிகாரத்தைக் காட்டி மிரட்டி வருகின்றன என்று பா.ஜ.க தலைவர் அண்ணாமலை தெரிவித்துள்ளார்.
இது தொடர்பாக தனது எக்ஸ் தளப் பக்கத்தில் வீடியோ மற்றும் கண்டனத்தை பதிவு செய்துள்ளார்.
அந்த வீடியோவில் பெண்களை ஆண் போலீசாரே தடுப்பது போன்றும், வீடுகளின் ஓடுகளை உடைப்பது போன்ற காட்சிகளும் இடம்பெற்றுள்ளன.
![](https://i0.wp.com/itamiltv.com/wp-content/uploads/2024/05/police-01.jpg?resize=1024%2C576&ssl=1)
தர்மபுரி மாவட்டம் பெண்ணாகரம் ஒகேனக்கல் வனப்பகுதி பூர்வகுடி மக்களை, தமிழக வனத்துறையினர் வலுக்கட்டாயமாக வெளியேற்றும் செய்தியும் காணொளிகளும், மிகுந்த அதிர்ச்சி அளிக்கிறது.
பூர்வகுடி மக்களின் உடைமைகளைத் தூக்கி எறிந்தும், கூரையைப் பிரித்து எறிந்தும், பெண்கள், குழந்தைகள் என்று கூடப் பாராமல், பலவந்தமாக வெளியேற்றியிருக்கின்றனர்.
மக்களின் பணத்தை ஊழல் செய்து கொள்ளையடிப்பவர்களையும், கள்ளச்சாராயம், போதை மருந்து கடத்துபவர்களையும் கண்டுகொள்ளாத திமுக அரசு, ஏழை எளிய மக்களின் மீது மட்டும் தங்கள் அதிகாரத்தைக் காட்டி மிரட்டி வருகிறது.
![](https://i0.wp.com/itamiltv.com/wp-content/uploads/2024/05/police-03.jpg?resize=1024%2C576&ssl=1)
வனப்பகுதி, பூர்வகுடி மக்களுக்கானது. அவர்களுக்கு முறையான வீட்டு வசதி ஏற்படுத்திக் கொடுக்காமல், அதிகார துஷ்பிரயோகம் செய்து அகற்றும் திமுக அரசின் இந்த அடக்குமுறைக்கு, வன்மையான கண்டனங்களைத் தெரிவித்துக் கொள்கிறேன்.
இவ்வாறு அண்ணாமலை எக்ஸ் பக்கத்தில் தெரிவித்துள்ளார்.
திமுக அரசின் அடக்குமுறைக்கு, வன்மையான கண்டனங்கள்