திருநெல்வேலி, பாளையங்கோட்டையில் தாயின் கண்முன்னே, மகன் படுகொலை செய்யப்பட்ட சம்பவம் பரபரப்பை ஏற்படுத்தி உள்ளது.
![](https://i0.wp.com/itamiltv.com/wp-content/uploads/2024/05/nellai-murder-01.jpg?resize=1024%2C576&ssl=1)
தூத்துக்குடி மாவட்டம் வசவப்பபுரத்தைச் சேர்ந்த சுடலை என்பவரின் மகன் இசக்கி முத்து. 35வயதான இசக்கி முத்து கட்டிடத் தொழிலாளியாக வேலை செய்து வந்துள்ளார்.
தற்போது நெல்லை மாவட்டம் பாளையங்கோட்டை சாந்திநகர் அடுத்த திம்மராஜபுரத்தில் குடும்பத்துடன் வசித்து வந்துள்ளார். மாற்று சமூகத்தைச் சேர்ந்த பெண்ண இசக்கிமுத்து திருமணம் செய்துள்ளார்.
கணவன் – மனைவி இடையே ஏற்பட்ட குடும்பத் தகராறு காரணமாக இருவரும் கடந்த சில நாட்களாக பிரிந்து வாழ்வதாக கூறப்படுகிறது.
இதையும் படிங்க: விரக்தியில் வீண்பழி சுமத்தும் பிரதமர் மோடி – முதலமைச்சர் ஸ்டாலின் குற்றச்சாட்டு.
இந்த நிலையில் தாயுடன் தினசரி கட்டிட பணியை முடித்துவிட்டு இருவரும் முன்னும் பின்னுமாக வீட்டிற்கு திரும்பியுள்ளனர்.
சாந்தி நகர் மணிக்கூண்டு அருகே அவர்கள் வந்தபோது மூன்று பேர் கொண்ட மர்ம கும்பல் இசக்கிமுத்துவின் தலை, கழுத்து உள்ளிட்ட பகுதிகளில் சரமாரியாக வெட்டி விட்டு தப்பி சென்றுவிட்டனர்.
இதில் தாயின் கண்முன்னே இசக்கிமுத்து ரத்தவெள்ளத்தில் சம்பவ இடத்திலேயே துடிதுடித்து உயிரிழந்தார்.
மகனின் கொலையால் அதிர்ச்சியடைத்து தாயார் கூச்சலிட்டதை அடுத்து அக்கம்பக்கத்தினர் அங்கு ஓடி வந்தனர். இதையடுத்து அவர்கள், பாளையங்கோட்டை காவல் நிலையத்திற்கு தகவல் தெரிவித்ததுள்ளனர்.
![](https://i0.wp.com/itamiltv.com/wp-content/uploads/2024/05/nellai-murder-02.jpg?resize=1024%2C576&ssl=1)
இதனிடையே கொலை நடந்த பகுதியில் இருந்த வியாபாரிகள் தங்கள் கடைகளை அடைத்து விட்டு அங்கிருந்து ஓட்டம் பிடித்தனர்.
சம்பவ இடத்துக்கு வந்த மாநகர காவல் துறை துணை ஆணையர் ஆதர்ஷ் பச்சோரா தலைமையிலான குழுவினர் விசாரணை மேற்கொண்டனர்.
கொலையை நேரில் பார்த்த தாயிடமும் விசாரணை மேற்கொள்ளப்பட்டது. இதன்பின்னர் சடலத்தைக் கைப்பற்றி உடற்கூறு பரிசோதனைக்காக நெல்லை அரசு மருத்துவக் கல்லூரி மருத்துவமனைக்கு அனுப்பி வைத்தனர்.
இதையும் படிங்க: வெள்ளப்பெருக்கு எதிரொலி; குற்றால அருவிகளில் குளிக்க தடை
இசக்கிமுத்து மீது ஏற்கனவே ஒருசில வழக்குகள் இருக்கும் நிலையில், முன் விரோதம் காரணமாக அவர் கொலை செய்யப்பட்டாரா அல்லது வேறு ஏதும் குடும்ப பிரச்சனை காரணமா என்பது குறித்து பாளையங்கோட்டை போலீசார் வழக்குப்பதிவு செய்து விசாரணை மேற்கொண்டு வருகின்றனர்.
மக்கள் நெருக்கம் மிகுந்த மாநகர பகுதியில் நடந்த கொலைச் சம்பவம் பொதுமக்களை அதிர்ச்சியில் ஆழ்த்தி உள்ளது.