சிங்கப்பூரில் பரவி வரும் புதிய வகை கொரோனா தொற்று, தமிழகத்தில் ஏற்கெனவே பாதிப்பை ( new type of corona ) ஏற்படுத்திய ஜெ.என்.1 வகையில் இருந்து உருமாற்றமடைந்தது தான் என்றும் இதனால் பொது மக்கள் அச்சப்படத் தேவையில்லை என்றும் பொது சுகாதாரத் துறை இயக்குநா் செல்வவிநாயகம் தெரிவித்துள்ளார்.
கடந்த 2019-ம் ஆண்டின் இறுதியில் சீனாவின் வூஹான் பகுதியில் கொரோனா வைரஸ் பரவல் கண்டறியப்பட்டது. அங்கிருந்து 2020-ம் ஆண்டு தொடக்கத்தில் உலகம் முழுவதும் கொரோனா வைரஸ் பரவி பெரும் பாதிப்பை ஏற்படுத்தியது .
ஏரளமான் உயிர்களை காவு வாங்கிய இந்த கொடுந்தொற்று படிப்படியாக கட்டுக்குள் கொண்டுவரப்பட்டுள்ளது .
இந்நிலையில், சிங்கப்பூா் நாட்டில் புதிய வகை கொரோனா பரவல் அதிகரித்து வருகிறது. அங்கு ஒரே வாரத்தில் 26,000-க்கும் மேற்பட்டோருக்கு தொற்று உறுதி செய்யப்பட்டுள்ளது. இதையடுத்து, பொது மக்கள் முகக் கவசம் அணிய வேண்டும் என அந்நாட்டு அரசு வலியுறுத்தியுள்ளது.
Also Read : பாலிடெக்னிக் கல்லூரிகளில் பாடத்திட்டம் மாற்றம்..!!
தமிழ்நாட்டுக்கும், சிங்கப்பூருக்கும் இடையே நேரடியாக தொழில் வா்த்தக தொடா்புகள் உள்ளன என்பதாலும், நாள்தோறும் நூற்றுக்கணக்கானோா் பயணம் செய்வதாலும் புதிய வகை கரோனா தொற்று தமிழகத்தில் பரவக் கூடும் என அஞ்சப்படுகிறது.
இந்நிலையில் இதுகுறித்து பொது சுகாதாரத் துறை இயக்குநா் செல்வவிநாயகம் கூறியதாவது :
சிங்கப்பூரில் தற்போது பரவி வரும் கே.பி.1 மற்றும் கே.பி.2 வகை கொரோனா, ஒமைக்ரான் ஜெ.என்.1 வகையின் உட்பிரிவுகள் தான். தமிழகத்தில் ஜெ.என்.1 வகை பாதிப்பு கடந்த பிப்ரவரி மாதத்துக்கு முன்னதாகவே கண்டறியப்பட்டது. எனவே, அதிலிருந்து உருவான புதிய வகை கொரோனா பரவல் தமிழகத்தில் எந்த பாதிப்பையும் ஏற்படுத்தாது.
இதுதொடா்பாக பொது மக்கள் அச்சப்படத் தேவையில்லை. அதேவேளையில், முன்னெச்சரிக்கையாக இருப்பது அவசியம். அடிக்கடி கைகளை கழுவுவதும், தனி நபா் இடைவெளியைக் கடைப்பிடிப்பதும், ( new type of corona ) இணைநோயாளிகள் மற்றும் முதியவா்கள் முகக் கவசம் அணிவதையும் வழக்கமாகக் கொண்டிருந்தால் கொரோனாவிலிருந்து தற்காத்துக் கொள்ளலாம் என தெரிவித்துள்ளார்.