திருவண்ணாமலை அருகே 6ம் வகுப்பு படிக்கும் மாணவிக்கு பாலியல் தொல்லை கொடுத்து வந்த முதியவரை போக்சோ வழக்கின் கீழ் கைது செய்த போலீசார் அவரை சிறையில் அடைத்துள்ளனர்.
திருவண்ணாமலை மாவட்டம் ஏந்தல் பகுதியைச் சேர்ந்த பழனிவேல் (64) என்ற முதியவர் கடந்த 6 மாதமாக அப்பகுதியை சேர்ந்த 6ம் வகுப்பு படிக்கும் மாணவிக்கு பாலியல் தொல்லை கொடுத்து வந்ததாக கூறப்படுகிறது.
பேத்தி வயதில் இருக்கும் அந்த மாணவிக்கு தொடர் பாலியல் தொல்லை கொடுத்த காமக்கொடூர முதியவரை போலீசில் பிடித்து கொடுக்க நினைத்த அந்த மாணவி 1098 என்ற ஹெல்ப் லைன் உதவி எண் மூலம் தொடர்புகொண்டு முதியவர் மீது புகார் கொடுத்துள்ளார் .
சிறுமி அளித்த புகாரின் பேரில் சம்பவ இடத்திற்கு வந்த சமூக நல அதிகாரிகள் மற்றும் குழந்தைகள் பாதுகாப்பு அதிகாரிகள் நேரடியாக விசாரணை நடத்தினர் . இதையடுத்து முதியவர் பழனிவேலை போக்சோ வழக்கின் கீழ் கைது செய்து சிறையில் அடைத்தனர்.
பேத்தி வயதில் இருக்கும் அந்த மாணவிக்கு கொஞ்சம் கூட கூச்சமே இல்லாமல் முதியவர் ஒருவர் கடந்த 6 மாதமாக பாலியல் தொல்லை கொடுத்து வந்த சம்பவம் அப்பகுதியில் பெரும் அதிர்ச்சியையும் பரபரப்பையும் ஏற்படுத்தியுள்ளது.
