கடந்த கால பாடங்களில் இருந்து பாகிஸ்தான் எதையும் கற்றுக்கொள்ளவில்லை என பிரதமர் நரேந்திர மோடி தெரிவித்துள்ளார்.
கடந்த 1999 ஆம் ஆண்டு ஜூலை 26 ஆம் தேதி நமது நாட்டிற்கும் அண்டை நாடான பாகிஸ்தானிற்கும் ஜம்மு & காஷ்மீர் மாநிலத்தில் உள்ள கார்கில் பகுதியில் 1999 ஆம் வருடம் மே மாதம் தொடங்கி 26-7-1999 வரை நடைபெற்ற போரில் நமது நாடு அடைந்த மாபெரும் வெற்றியை நினைவு கூறும் வகையில் கார்கில் வெற்றி தினமாக (vijay Diwas) அனுசரிக்கப்படுகிறது.
இந்த வெற்றி தினத்தின் 25வது ஆண்டு தினம் இன்று அனுசரிக்கப்படும் நிலையில் லாடாக்கில் உள்ள கார்கில் போர் நினைவிடத்தில் பிரதமர் நரேந்திர மோடி மரியாதை செலுத்தினார் .
இதையடுத்து அங்கு உரையாற்றிய பிரதமர் மோடி கூறியதாவது :
இந்தியாவுக்காக ராணுவ வீரர்கள் செய்த தியாகங்கள் அழியாதவை என்பதை கார்கில் போர் வெற்றி தினம் நினைவூட்டுகிறது.
கடந்த கால பாடங்களில் இருந்து பாகிஸ்தான் எதையும் கற்றுக்கொள்ளவில்லை பயங்கரவாதம் மற்றும் மறைமுக போர் பங்கேற்புகளில் மட்டும் பாகிஸ்தான் பொருத்திக்கொள்ள முயற்சிக்கிறது
Also Read : இந்தியர்களின் வீரத்திற்கு உதாரணமாய் விளங்கும் கார்கில் வெற்றி தினம் இன்று..!!
பயங்கரவாதிகளுக்கு கேட்கும் இடத்திலிருந்து நான் சொல்கிறேன், உங்கள் மோசமான நோக்கங்கள் ஒருபோதும் வெற்றியடையாது. நமது ராணுவ வீரர்கள் முழு பலத்துடன் அவர்களை ஒடுக்கி, தகுந்த பதிலடி கொடுக்கப்பார்கள்
லடாக், ஜம்மு, காஷ்மீர் ஆகியவற்றின் வளர்ச்சியின் பாதையில் வரும் அனைத்து சவால்களையும் இந்தியா முறியடிக்கும்.
ஆகஸ்ட் 5ம் தேதியோடு ஜம்மு காஷ்மீர் சிறப்பு அந்தஸ்து (370-வது சட்டப் பிரிவு) ரத்து செய்யப்பட்டு 5ஆண்டுகள் நிறைவடைய உள்ளது. நமது இந்த சொர்க பூமி அமைதி மற்றும் நல்லிணக்கத்தை நோக்கி வேகமாக நகர்கிறது என பிரதமர் மோடி தெரிவித்துள்ளார்.