பெருந்துறை அருகே ரவுடி கும்பலை பிடிக்க போலீசார் துப்பாக்கிச்சூடு (Police Operation) நடத்தியுள்ளது அப்பகுதியில் பெரும் பரபரப்பை ஏற்படுத்தி உள்ளது .
நெல்லை களக்காடு பகுதியில் நடந்த கொடூர கொலை வழக்கில் தொடர்புடைய ரவுடிகள் சிலர் ஈரோட்டில் பதுங்கியிருப்பதாக திருநெல்வேலி தனிப்படை போலீசாருக்கு ரகசிய தகவல் ஒன்று கிடைத்துள்ளது .
இதையடுத்து அந்த குற்றவாளிகளை இன்று எப்படியாவது பிடிக்க வேண்டும் என்ற நோக்கத்தில் கிடைத்த தகவல் உண்மையா இல்லையா என்று தெரியாமல் ஆயுதங்களுடன் போலீசார் தேடுதல் வேட்டையில் இறங்கினர்.
இதையடுத்து ஈரோடு மாவட்டம் பெருந்துறை அருகே ரவுடி கும்பலை கடந்த போலீசார் அவர்களை பிடிக்க முயன்றனர் போலீசாரின் வருகையை கண்டு அதிர்ச்சியடைந்த ரவுடிகள் ஓட்டம் பிடித்தனர் .
ஒரு கட்டத்தில் போலீசார் அவர்களை பிடிக்க சுத்து போட அந்த ரவுடி கும்பல் கையில் வைத்திருந்த அரிவாளை கொண்டு போலீசாரை தாக்கியுள்ளனர் .
Also Read : https://itamiltv.com/water-update-in-lakes/
பயந்து ஓடிய ரவுடிகள் திடீரென அரிவாளை கொண்டு தாக்க முயன்றதால் தங்களை தற்காத்துக்கொள்ள வேறு வழி இல்லாமல் ரவுடிகள் மீது துப்பாக்கி சூடு (Police Operation) நடத்தினர் .
கொலை உட்பட 18 வழக்குகளில் தொடர்புடைய பிரபல ரவுடி சிவசுப்பிரமணி உட்பட நான்கு ரவுடிகள் தான் அப்படுத்தியில் பதுங்கி இருப்பதாக திருநெல்வேலி தனிப்படை போலீசார் தகவல் தெரிவித்துள்ளனர்.
இருதரப்பிற்கும் இடையே ஏற்பட்ட மோதலில் யாருக்கும் எந்தவித காயமும் ஏற்படவில்லை என்றும் பிரபல ரவுடி சிவசுப்பிரமணி அங்கிருந்து தப்பி சென்றதாகவும் கூறப்படுகிறது.
இதையடுத்து தப்பியோடிய ரவுடிகளை பிடிப்பதற்கு பெருந்துறை காவல் நிலையத்தில் தகவல் தெரிவிக்கப்பட்டு காவல்துறையினர் தீவிரமாக தேடி வருகின்றனர்.
பெருந்துறை அருகே உள்ள வயல்வெளியில் பறவைகளின் சத்தமே கேட்டு வந்த அந்த கிராமத்தில் இன்று அதிகாலையில் ரவுடிகளை பிடிப்பதற்காக போலீசார் துப்பாக்கி சூடு நடத்தியுள்ளனர்.
அதிகாலையில் ஏற்பட்ட இந்த பரபரப்பு சம்பவம் அப்பகுதி மக்களிடையே பெரும் அதிர்ச்சியையும் அச்சத்தையும் ஏற்படுத்தி உள்ளத்துடன் அப்பகுதி முழுவதும் தற்போது ஏராளமான போலீசார் தீவிர தேடுதல் வேட்டையில் ஈடுபட்டுள்ளனர்.
