புதுச்சேரியில், பொன்னியின் செல்வன் 2 திரைப்படம் வெளியானதை முன்னிட்டு இன்று நடிகர் கார்த்தி ரசிகர் மன்றம் சார்பாக காலை சிற்றுண்டி (breakfast) வழங்கி படத்தை கொண்டாடி வருகின்றனர்.
இயக்குனர் மணிரத்தினம் இயக்கத்தில் இன்று வெளியாகி உள்ள பொன்னியின் செல்வன் 2 திரைப்படம் நிச்சயம் ஒரு பிளாக்பஸ்டர் ஹிட் தான் என்று ரசிகர்கள் புகழ்ந்து தள்ளி வருகின்றனர்.
இந்நிலையில் பொன்னியின் செல்வன் 2 திரைப்படம் பெரும் எதிர்பார்ப்புக்கு இடையே இன்று உலகம் முழுவதும் வெளியாகி உள்ள நிலையில், படத்தின் ரிலீஸ்க்கு முன்னர் படக்குழுவினர் ப்ரோமோஷன் வேலைகளில் தீயாய் ஈடுபட்டு வந்தனர்.
![](https://i0.wp.com/itamiltv.com/wp-content/uploads/2023/04/03-8.jpg?resize=640%2C360&ssl=1)
இந்த படத்திற்காக ஒவ்வொரு கதாபாத்திரமும் அத்தனை பயிற்சி, அத்தனை வேலைப்பளு என ஆறு மாதத்திற்கு மேலாக உழைத்து வந்தனர். பொன்னியின் செல்வன் முதல் பாகம் படம் திருப்பங்களுடன் நிறைவடைந்ததால் இரண்டாம் பாகத்தின் மீதான எதிர்பார்ப்பு ரசிகர்களிடையே அதிகரித்துள்ளது.
இந்நிலையில், புதுச்சேரி மாநிலத்தில் உள்ள பெரும்பாலான திரையரங்குகளில் பொன்னின் செல்வன் 2 திரையிடப்பட்ட நிலையில், காலை முதல் காட்சியையொட்டி புதுவை மாநில கார்த்திக் ரசிகர் மன்றம் சார்பாக தியேட்டர் வாயில் முன்பு ரசிகர்கள் மற்றும் படம் பார்க்க வருபவர்களுக்கு காலை உணவு (breakfast) வழங்கினர்.
அதனைத் தொடர்ந்து, பொன்னியின் செல்வன் 2 படத்தின் பேனருக்கு பூமாலை தூவி ரசிகர்கள் படத்தை வரவேற்றனர்.