பிரபல பின்னணி பாடகி வாணி ஜெயராம் (vani jayaram) அவரது வீட்டில் திடீரென தவறி விழுந்து உயிரிழந்ததாக தகவல் வெளியாகியுள்ளது.
தமிழ் சினிமாவின் பிரபல பின்னணி பாடகி வாணி (vani jayaram) ஜெயராம். அவருக்கு வயது 78. வாணி ஜெயராம் கடந்த 1974-ஆம் ஆண்டு வெளியான தீர்க்க சுமங்கலி என்ற படத்தின் மூலமாக தமிழ் திரையுலகுக்கு பாடகியாக அறிமுகமானவர்.
இவர் தமிழ்நாட்டை சேர்ந்த பாடகி ௭ன்றாலும் தமிழ், தெலுங்கு, கன்னடம், மலையாளம், இந்தி, மராத்தி, ஒடியா, குஜராத்தி மற்றும் பெங்காலி ௭ன பல இந்திய மொழிகளில் ஆயிரத்துக்கும் மேற்பட்ட பாடல்களை பாடி ரசிகர்களின் மனதில் என்றும் நீங்கா இடம் பிடித்தவர் வாணி ஜெயராம்.
மேலும், பாடகி வாணி ஜெயராமிற்கு சமீபத்தில் “பத்மபூஷன் விருது” வழங்கப்பட்டதும் குறிப்பிடத்தக்கது. மேலும், மூன்று முறை சிறந்த பின்னணி பாடகிக்கான இந்திய தேசிய விருதுகளையும் பெற்றுள்ளார்.
இந்த நிலையில், சென்னையில் உள்ள தனது வீட்டில் பாடகி வாணிஜெயராம் திடீரென்று தவறி விழுந்து உயிரிழந்து விட்டதாக பரபரப்பு தகவல் வெளியாகி உள்ளது.
இவருடைய திடீர் மரணம் இசை ரசிகர்கள் மத்தியில் பெரும் அதிர்ச்சியையும், சோகத்தையும் ஏற்படுத்தியுள்ளது.
