நடிகர் ரஜினிகாந்த் நடிக்கும் ஜெயிலர் படத்தின் அதிகாரப்பூர்வ அறிவிப்பு வெளியிடப்பட்டுள்ளது.சன் பிக்சர்ஸ் நிறுவனம் தயாரிக்கும் இப்படத்திற்கு அனிருத் இசையமைக்க உள்ளார்.மேலும் அண்ணாத்தை படத்தைத் தொடர்ந்து ரஜினி நடிக்கவுள்ள படத்தை நெல்சன் இயக்க உள்ளதாகத் தெரிவிக்கப்பட்டுள்ளது.
ஜெயிலர் திரைப்படத்தில் கதாநாயகியாகப் பிரபல பாலிவுட் நடிகை ஐஸ்வர்யா ராய் ,ரம்யா கிருஷ்ணன் ,பிரியங்கா மோகன் ஆகியவர்கள் முக்கிய கதாபாத்திரங்களில் நடிக்கவுள்ளதாகத் தெரிவிக்கப்பட்டுள்ளது. மேலும் நடிகர் ரஜினியுடன் ஐஸ்வர்யா ராய் இரண்டாவது முறையாக ஜோடி சேரவுள்ளார்.
இந்தத் திரைப்படத்தில் நடிகர் மோகன்லால் கேமியோ ரோலில் நடிக்கப் போவதாக தகவல்கள் வெளியாகி உள்ளது.கடந்த ஆண்டு வெளியான கமல்ஹாசனின் விக்ரம் படத்தில் மாதவனின் ராக்கி படத்திலும் சூர்யா கேமியோ ரோலில் நடித்திருப்பார். கேமியோ ரோலில் பிரபல ஹீரோக்கள் அடுத்தடுத்து நடிப்பது சமீபத்தில் ட்ரெண்ட் ஆகி வரும் நிலையில் தற்போது நடிகர் ரஜினியின் ஜெயிலர் திரைப்படத்தில் மோகன்லால் நடிக்க இருப்பதாக தகவல் வெளியாகி உள்ளது.
மேலும்,ஜெயிலர் திரைப்படத்தின் சூட்டிங் ஹைதராபாத்தில் நடக்க உள்ளது.இந்த சூட்டிங்கில் நாளை நடிகர் ரஜினிகாந்த் மீண்டும் கலந்து கொள்ளப் போவதாக தெரிந்துள்ளது.ஏற்கனவே சூப்பர் ஸ்டார் ரஜினிகாந்தின் ஜெயிலர் திரைப்படத்தில் கன்னட திரை உலகின் முன்னனி நடிகர் சிவராஜ்குமார் நடித்து வருகிறார்.
இந்நிலையில் மலையாள திரை உலகின் முன்னனி நடிகர் மோகன்லால் இந்த திரைப்படத்தில் இணைய உள்ளார் .ர்ஜினி,சிவராஜ்குமார்,மோகன்லால் என இந்த காம்போ பார்க்கவே வேற லெவலில் இருக்கப் போகிறது என்று தற்போது ரஜினி ரசிகர்கள் கூறி வருகின்றனர்.
