ஹ்ரித்திக் ரோஷன் நடிப்பில் உருவாகியுள்ள Fighter படத்தின் ட்ரைலர் வெளியாகி ரசிகர்களின் கவனத்தை ஈர்த்து சாதனை படைத்தது வருகிறது .
பாலிவுட் சினிமாவில் பதான் மற்றும் வார் என்ற சிறப்பான தரமான படங்களை இயக்கியவர் சித்தார்த் ஆனந்த்.
இவரது இயக்கத்தில் தற்போது வேற லெவலில் உருவாகி உள்ள திரைப்படம் தான் Fighter இப்படம் ஜனவரி 26ம் தேதி குடியரசு தினத்தன்று வெளியாக உள்ளது .
ரசிகர்கள் மத்தியில் ஏகபோக எதிர்பார்ப்பை ஏற்படுத்தி உள்ள இப்படத்தில் பாலிவுட் சினிமாவின் முன்னணி நட்சத்திரங்களான ஹ்ரித்திக் ரோஷன், தீபிகா படுகோன், அனில் கபூர் ஆகியோர் நடித்துள்ளனர்
இந்நிலையில் ரசிகர்களின் எதிர்பார்ப்பை மேலும் அதிகரிக்கும் வகையில் இப்படத்தின் ட்ரைலர் கடந்த சில நாட்களுக்கு முன் வெளியாகி தற்போது செம வைரல் ஆகி வருகிறது.
ஆக்சன் காட்சிகளுக்கு பஞ்சமில்லாமல் நிறைந்திருக்கும் இந்த ட்ரைலரில் குட்டி ரொமான்டிக் கட்சிகளும் எட்டிப்பார்க்கின்றன.
பிரம்மாண்ட பொருட் செலவில் உருவாகியுள்ள இப்படம் நிச்சயம் ஹாலிவுட் படங்களுக்கு இணையாக நின்று 1000 கோடி வசூலை தாண்டும் என எதிர்பார்க்கப்படுகிறது.
ட்ரைலரே இப்படி உள்ளது என்றால் இன்னும் இந்த படத்தின் ஸ்னீக் பீக் காட்சிகளில் இன்னும் என்னவெல்லாம் வரப்போகிறது என்பதை பார்க்க செம ஆவலாக உள்ளது .
‘ஃபைட்டர் என்பவன் தன் இலக்குகளை அடைபவன் மட்டுமல்ல.. மாறாக அதனை இரண்டாக தகர்ப்பவன்’ என்னும் வசனத்துடன் தொடங்கும் ட்ரெய்லர், தேசபக்தி, காதல், கூஸ்பம்ப்ஸ் சாகச காட்சிகள் என செல்கிறது.
கடந்த 2019ஆம் ஆண்டு காதலர் தினத்தன்று நடந்த புல்வாமா தாக்குதலுக்கு இந்தியா சார்பில் கொடுக்கப்பட்ட பதிலடியை இப்படம் முக்கிய கருவாக எடுத்துக்கொண்டு பேசுகிறது.
பாகிஸ்தான் பயங்கரவாதிகள் என டெம்ப்ளேட் ஆன சில விஷயங்கள் இடம்பெற்றிருந்தாலும், மேக்கிங் மிரட்டலாகவே இருப்பதாக தெரிகிறது.
Also Read : https://itamiltv.com/pongal-arrest-of-fishermen-by-srilankan-navy/
‘நீங்கள் காஷ்மீரை ஆக்கிரமித்திருக்கலாம், ஆனால் அதன் உண்மையான ராஜா நாங்கள் தான்’ போன்ற வசனங்களும் ரசிகர்களின் கவனத்தை வெகுவாக கவர்ந்துள்ளது.
இந்நிலையில் வரும் ஜனவரி 26ம் தேதி குடியரசு தினத்தன்று வெளியாக உள்ள இப்படம் சூப்பர் ஹிட் வெற்றி படமாக உருவெடுக்குமா இல்லையா என்பதை நாம் காத்திருந்து பார்க்கலாம்.
