தமிழ்நாட்டில் உள்ள பள்ளிகளில் நடப்பு கல்வியாண்டில் வேலைநாட்களை குறைத்து திருத்தப்பட்ட நாட்காட்டியை தமிழ்நாடு அரசின் பள்ளிக்கல்வித்துறை வெளியிட்டுள்ளது.
தமிழ்நாட்டை பொறுத்தவரை பள்ளிகளில் பொதுவாக ஒவ்வொரு கல்வியாண்டும் 210 சராசரி வேலைநாட்களை கொண்டிருக்கும் நிலையில், நடப்பு கல்வியாண்டில் 220 நாட்களை வேலைநாட்களாக கொண்டு நாட்காட்டி வெளியிடப்பட்டது.
இந்நிலையில் வேலைநாட்களை குறைக்க வேண்டும் என பல தரப்பில் இருந்தும் கோரிக்கைகள் வலுத்த நிலையில் 10 வேலை நாட்களை குறைத்து 210 வேலைநாட்கள் இருக்கும் வகையில் புதிய நாட்காட்டியை தமிழ்நாடு அரசின் பள்ளிக்கல்வித்துறை வெளியிட்டுள்ளது .
மேலும் குறைக்கப்பட்ட அந்த 10 நாட்கள் ஆசிரியர்களுக்கான கல்விசார் பயிற்சி நாட்களாக இருக்கும் எனவும் பள்ளிக்கல்வித்துறை வெளியிட்டுள்ள செய்தியில் தெரிவிக்கப்பட்டுள்ளது.
