தென்கிழக்கு வங்கக்கடலில் உருவான ஆழ்ந்த காற்றழுத்த தாழ்வு மண்டலம் தற்போது புயலாக வலுப்பெற்ற நிலையில் பலத்த காற்றும் கனமழையும் பெய்யும் என்பதால் பழைய கட்டிடங்களில் வசிப்பவர்கள் பாதுகாப்பான இடங்களுக்குச் செல்ல அறிவுறுத்தப்பட்டுள்ளது.
இதுகுறித்து காவல்துறை சார்பில் வெளியிடப்பட்டுள்ள செய்தியில் கூஇருப்பதாவது :
- பழமையான கட்டிடங்களில் வசிப்பவர்கள் நிவாரண முகாம்கள் அல்லது பாதுகாப்பான இடங்களுக்கு செல்ல வேண்டும்
- பாரிமுனை, மண்ணடி, முத்தையால்பேட்டை, ஏழுகிணறு உள்ளிட்ட பகுதிகளில் 100 ஆண்டுகளுக்கு மேலான 28 கட்டிடங்கள் கண்டறியப்பட்டுள்ளது .
- சென்னையில் பொதுமக்கள், வாகன ஓட்டிகள் தேவையின்றி வெளியே வர வேண்டாம்
- மிக்ஜாம் புயல் கரையை கடந்துவிட்டதாக அதிகாரப்பூர்வ அறிவிப்பு வரும் வரை தேவையின்றி வெளியே வர வேண்டாம் வெளியே பயணிக்க வேண்டியிருந்தால் பொது போக்குவரத்து அல்லது நம்பகமான வாகனங்களை பயன்படுத்தவும்
- புயலின்போது மின்னணு சாதனங்களைப் பயன்படுத்துவதைத் தவிர்க்க வேண்டும் மின்கம்பம், கம்பிகள், உலோக பொருட்கள், மின்னலை ஈர்க்கக்கூடிய கட்டமைப்புகளிலிருந்து விலகியிருக்கவும்
- கீழே விழுந்து கிடக்கும் மின்கம்பிகளைத் தொட வேண்டாம்; அதன் அருகில் செல்ல வேண்டாம்
- பொதுமக்கள் வாகனங்களை மெதுவாகவும், கவனமாகவும் ஓட்ட வேண்டும்; மேலும், பிரேக்குகளை சரி பார்க்கவும் காவல்துறை சார்பில் தெரிவிக்கப்பட்டுள்ளது.
