சென்னை ஆவடி அருகே பட்டப்பகலில் நகைக்கடைக்குள் புகுந்த மர்மநபர்கள் துப்பாக்கி (Jewel robbery) முனையில் ஒன்றரை கோடி ரூபாய் நகைகளையும் 5 லட்சம் ரூபாய் ரொக்கத்தையும் கொள்ளையடித்து சென்றுள்ள சம்பவம் பரபரப்பை ஏற்படுத்தி உள்ளது.
சென்னை: ஆவடி அருகே பட்டப்பகலில் நகைக்கடை உரிமையாளரை கட்டிப்போட்டு, துப்பாக்கி முனையில் ரூ.1.5 கோடி நகைகள் மற்றும் ரூ.5 லட்சம் ரொக்கத்தை மர்ம ஆசாமிகள் கொள்ளையடித்து சென்ற சம்பவம் பரபரப்பை ஏற்படுத்தியது. இதுதொடர்பாக போலீசார் வழக்கு பதிந்து, 5 தனிப்படைகள் அமைத்து மர்ம கும்பலை தேடி வருகின்றனர்.
சென்னை ஆவடி அடுத்த முத்தாபுதுப்பேட்டை, எல்லையம்மன் நகரை சேர்ந்த பிரகாஷ், கடந்த 4 ஆண்டுகளாக, தனது வீட்டின் கீழ் தளத்தில் கிருஷ்ணா ஜூவல்லர்ஸ் என்ற பெயரில் நகைக்கடை மற்றும் அடகுக்கடை நடத்தி வருகிறார்.
Also Read : https://itamiltv.com/jp-natta-road-show-today-in-musiri/
சம்பவத்தன்று பகல் 12 மணியளவில், நகைக்கடையில் தனியாக இருந்த பிரகாஷை, வாடிக்கையாளர் போல வந்த 5 பேர் கும்பல், தாங்கள் வைத்திருந்த 2 கைத்துப்பாக்கிகளை எடுத்துக் காட்டி மிரட்டி யுள்ளனர்.
சப்தம் போட்டால் சுட்டுவிடுவதாக எச்சரித்தவர்கள், கடையின் ஷட்டரை மூடியதோடு, உள்ளே இருந்த சிசிடிவி காமிராவின் இணைப்பையும் துண்டித்துள்ளனர். தொடர்ந்து பிரகாஷை தாக்கி அவரது கைகளையும், கால்களையும் கட்டிப் போட்டு, வாயில் துணியை வைத்து அடைத்துள்ளனர்.
இதன்பின்னர் கடையில் இருந்த ஒன்றரை கோடி ரூபாய் மதிப்புள்ள தங்க நகைகளையும், கல்லாப்பெட்டியில் இருந்த 5லட்சம் ரூபாய் ரொக்கப்பணத்தையும் கொள்ளையடித்தவர்கள், கடையில் இருந்து வெளியேறி மீண்டும் ஷட்டரை அடைத்துவிட்டு ஏற்கனவே வந்த காரில் அங்கிருந்து தப்பிச் சென்றுள்ளனர்.
இந்த நிலையில் நகைக்கடைக்கு வந்த பிரகாஷின் உறவினர் ஒருவர் கடை மூடியிருந்ததைக் கண்டு சந்தேகப்பட்டு திறந்து பார்த்தபோது, கடைக்குள் பிரகாஷ் கட்டிப்போடப்பட்டு இருப்பது தெரியவந்தது. இதையடுத்து கட்டுகளை அவிழ்த்துவிட்ட பின்னர், கடையில் கொள்ளை போனதாக பிரகாஷ் தெரிவித்துள்ளார்.
Also Read : https://itamiltv.com/murder-of-four-members-of-the-same-family/
இதன் பின்னர், ஆவடி முத்தா புதுப்பேட்டை காவல்நிலையத்துக்கு தகவல் அளித்ததைத் தொடர்ந்து நகைக்கடைக்கு வந்த போலீசார், கடையை ஆய்வு செய்துவிட்டு விசாரணை மேற்கொண்டனர்.
தொடர்ந்து கொள்ளைச் சம்பவம் குறித்து வழக்கு பதிவு செய்தவர்கள், ஆவடி போலீஸ் துணை கமிஷனர் தலைமையில், 5 தனிப்படைகள் அமைத்து, மர்ம நபர்கள் வந்த கார் பதிவு எண்ணை வைத்து விசாரணை மேற்கொண்டு வருகின்றனர். முதற்கட்ட விசாரணையில் கொள்ளையில் ஈடுபட்டவர்கள் வடமாநிலத்தை சேர்ந்தவர்கள் என்பது தெரியவந்துள்ளது.
தேர்தல் பிரசாரம் நடந்து வரும் நிலையில் ஆங்காங்கே போலீசார் பாதுகாப்பு பணியில் (Jewel robbery) ஈடுபட்டுள்ள நிலையில், பட்டப்பகலில் இந்த கொள்ளைச் சம்பவம் அரங்கேறி இருப்பது பரபரப்பை ஏற்படுத்தியதோடு, நகைக்கடைக்காரர்கள் மத்தியில் அச்சத்தையும் ஏற்படுத்தி உள்ளது.