2010 முதல் 2023 வரை சுமார் 13 வருடங்களாக சென்னை சூப்பர் கிங்ஸ் அணியின் கேப்டனாக (csk new captain) இருந்து வந்த எம்.எஸ். தோனி தனது கேப்டன் பொறுப்பில் இருந்து விலகி உள்ளார்.
உலகில் இருக்கும் கிரிக்கெட் விரும்பிகள் அனைவரும் செம ஆவலுடன் காத்திருந்த 2024 ஐபிஎல் கிரிக்கெட் நாளை சென்னை சேப்பாக்கம் கிரிக்கெட் மைதானத்தில் கோலாகலமாக தொடங்க உள்ளது .
இதில் நாளை நாளை நடைபெறும் முதல் போட்டியில் நடப்பு சாம்பியனான சென்னை சூப்பர் கிங்ஸ் அணியை ராயல் சலாங்கர்ஸ் பெங்களூரு அணி எதிர்கொள்ள உள்ளது.
இதற்காக இரு அணி வீரர்களும் சென்னை வந்துள்ள நிலையில் தீவிர பயிற்சியில் ஈடுபட்டுள்ளனர்.
இந்நிலையில் தல தோனி அவர்களை கடந்த சில வருடங்களாக ஐபிஎல் தொடரில் மட்டுமே விளையாடி பார்த்து மகிழ்ந்து வரும் ரசிகர்களுக்கு ஒரு அதிர்ச்சியான செய்தி வந்துள்ளது .
13 வருடங்களாக சிஎஸ்கே அணியின் அசைக்க முடியாத கேப்டனாக இருந்து வந்த எம்.எஸ்.தோனி தனது கேப்டன் பொறுப்பில் இருந்து விலகி உள்ளதாக அதிகாரப்பூர்வ தகவல் வெளியாகி உள்ளது.
இதுமட்டுமின்றி சென்னை சூப்பர் கிங்ஸ் அணியின் புதிய கேப்டனாக இளம் வீரர் ருதுராஜ் கைவாட்டை நியமித்து சிஎஸ்கே நிர்வாகம் அதிகாரப்பூர்வ போஸ்டர் ஒன்றை வெளியிட்டுள்ளது.
Also Read : https://itamiltv.com/the-election-commission-allotted-the-cooker-symbol-to-the-ammk/
இதனை மீண்டும் உறுதி செய்யும் வகையில் ஐபிஎல் கிரிக்கெட் தொடர் நாளை தொடங்க உள்ள நிலையில் தொடரில் பங்கேற்கும் அனைத்து அணிகளின் கேப்டன்களுடன் கோப்பையை வைத்து எடுக்கப்பட்ட குரூப் போட்டோவை ஐபிஎல் நிர்வாகம் வெளியிட்டிருந்தது .
அந்த குரூப் போட்டோவில் சென்னை அணியின் கேப்டனாக எம்.எஸ்.தோனிக்கு பதிலாக இளம் வீரர் ருதுராஜ் நிற்கிறார் புகைப்படங்கள் தற்போது இணையத்தில் செம வைரலாக பரவி வருகிறது .
ஏற்கனவே தோனி இந்த தொடருடன் ஓய்வு பெற இருப்பதாக செய்தியில் வெளியாகி (csk new captain) வரும் நிலையில் தற்போது கேப்டன் பொறுப்பில் இருந்தும் தோனி விலகி இருப்பது அவரது ரசிகர்களுக்கு பெரும் அதிர்ச்சியையும் சோகத்தையும் ஏற்படுத்தி உள்ளது.
