ஏப்ரல் 19 மற்றும் 26 வெள்ளிக்கிழமைகளில் நடைபெறும் தேர்தல் தேதிகளை மாற்ற (SDPI) வேண்டும் என இந்திய தேர்தல் ஆணையத்துக்கு எஸ்.டி.பி.ஐ கட்சி வலியுறுத்தி உள்ளது.
இதுகுறித்து எஸ்.டி.பி.ஐ. கட்சியின் மாநில தலைவர் நெல்லை முபாரக் வெளியிட்டுள்ள செய்திக்குறிப்பில் கூறியிருப்பதாவது :
பாராளுமன்ற பொதுத்தேர்தலுக்கான அறிவிப்புகள் தேர்தல் ஆணையத்தால் அறிவிக்கப்பட்டுள்ளன. நாடு முழுவதும் 7 கட்டங்களாக இந்த தேர்தல் நடைபெறவிருக்கிறது. அதன்படி முதல் கட்டமாக தமிழகம் மற்றும் புதுச்சேரியில் ஒரே கட்டமாக ஏப்ரல் 19ம் தேதி தேர்தல் நடத்தப்பட உள்ளது.
அதே போல் ஏப்ரல் 26ம் தேதி கேரளா உள்ளிட்ட மற்ற மாநிலங்களில் இரண்டாம் கட்ட தேர்தல் நடத்தப்பட உள்ளது. ஏப்ரல் 19 மற்றும் ஏப்ரல் 26 ஆகிய தேதிகள் முஸ்லிம்கள் மஸ்ஜித்களில் கட்டாய கூட்டு பிரார்த்தனை செய்யும் ஜும்ஆ நாளான வெள்ளிக்கிழமையாகும்.
இதனால் முஸ்லிம் வாக்காளர்கள் வாக்கு செலுத்துவதில் தொய்வு ஏற்பட வாய்ப்புள்ளது. அதுமட்டுமின்றி, அரசியல் கட்சிகளில் உள்ள முஸ்லிம் சமூகத்தை சேர்ந்த பூத் ஏஜெண்ட்கள் உள்ளிட்ட தேர்தல் பணியாளர்களின் பணியும் பாதிக்கப்படும் சூழல் உள்ளது.
Also Read : https://itamiltv.com/policeman-who-sexually-assaulted-a-female-constable/
ஒரு தேர்தலில் 100 சதவீத வாக்குப்பதிவை உறுதி செய்ய வேண்டியது தேர்தல் ஆணையத்தின் முக்கிய பொறுப்பு என்பதால், அனைத்து தரப்பு மக்களும் எளிமையான முறையில் வாக்குகளை செலுத்தும் வகையில்
ஏப்ரல் 19ல் நடைபெறும் முதல் கட்ட மற்றும் ஏப்ரல் 26ல் நடைபெறும் இரண்டாம் கட்ட (SDPI) தேர்தல் தேதிகளை மாற்றி அமைக்க தேர்தல் ஆணையம் முன்வர வேண்டும் என கேட்டுக்கொள்கிறேன் என நெல்லை முபாரக் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.
