செந்தில்பாலாஜி மீதான மோசடி வழக்கில் 900 பேர் குற்றவாளிகளாக சேர்க்கப்பட்டுள்ளதாக மத்திய குற்றப் பிரிவு போலீஸார்(crime branch) நீதிமன்றத்தில் தகவல் தெரிவித்துள்ளனர்.
கடந்த 2014ஆம் ஆண்டு அதிமுக ஆட்சியில் போக்குவரத்துத் துறை அமைச்சராக செந்தில் பாலாஜி பதவி வகித்தார்.
அப்போது போக்குவரத்து துறையில் வேலை வாங்கித் தருவதாக கூறி பணம் பெற்று மோசடியில் ஈடுபட்டதாக புகார் எழுந்தது.
சென்னை எம்.பி, எம்.எல்.ஏ-க்கள் மீதான வழக்குகளை விசாரிக்கும் சிறப்பு நீதிமன்றத்தில் இந்த வழக்கு நடைபெற்று வருகிறது.
இந்த வழக்கில், உச்ச நீதிமன்ற உத்தரவின் அடிப்படையில், சென்னை மத்தியக் குற்றப்பிரிவு காவல்துறை, கடந்த செப்டம்பர் மாதம் கூடுதல் குற்றப்பத்திரிகை தாக்கல் செய்தது.
அதில் அதிகாரிகள், ஊழியர்கள் என சுமார் 900 பேர் குற்றம் சாட்டப்பட்டவர்களாகச் சேர்க்கப்பட்டிருப்பது தற்போது தெரிய வந்திருக்கிறது.
இந்த நிலையில் இந்த வழக்கு, சிறப்பு நீதிமன்ற நீதிபதி ஜெயவேல் முன்பு நேற்று மீண்டும் விசாரணைக்கு வந்தது.
அப்போது கூடுதல் குற்றப்பத்திரிகை ஏற்று வழக்கை நடத்துவதற்கான அனுமதி இன்னும் தமிழக அரசிடம் இருந்து கிடைக்கவில்லை என மத்திய குற்றப்பிரிவு போலீசார் தரப்பில் மீண்டும் தெரிவிக்கப்பட்டுள்ளது.
மேலும் இந்த வழக்கில், குற்றம் சாட்டப்பட்டவர்களுக்கு எதிராக, வழக்கை தொடர சம்பந்தப்பட்ட அதிகாரிகளிடம் இருந்து அனுமதி கடிதம் பெறுவதற்கான நடவடிக்கை எடுக்கப்படுகிறது.
மோசடியில் தொடர்புடைய மற்றவர்களையும் வழக்கில் சேர்க்கவும் நடவடிக்கை மேற்கொண்டு வருவதாகவும் தெரிவிக்கப்பட்டது.
அதைத் தொடர்ந்து, தேவையின்றி வழக்கில் சேர்த்திருப்பதாவும், வழக்கு விசாரணைக்கு ஒவ்வொரு முறையும் ஆஜராக வேண்டி உள்ளது. இதனால் பணி விடுப்பு எடுத்து வருவதால், ஊதிய இழப்பு ஏற்படுகிறது.
இதயும் படியுங்க : https://itamiltv.com/lets-throw-arvind-kejriwal-hemant-soren-in-jail-bjps-gaurav-bhatia-is-arrogant/
எனவே, விசாரணைக்கு ஆஜராகுவதில் இருந்து விலக்கு அளிக்க வேண்டும்’ என, குற்றம் சாட்டப்பட்ட போக்குவரத்து ஊழியர்கள் தரப்பில் ஆஜரான வழக்கறிஞர் கோரிக்கை விடுத்தார்.
இதையடுத்து, இந்த வழக்கில், குற்றம் சாட்டப்பட்டோரை விசாரிக்க, சம்பந்தப்பட்ட அதிகாரிகளின் அனுமதி மற்றும் ஒப்புதல் கடிதம், குறித்த தற்போதைய நிலை குறித்து, மத்திய குற்றப்பிரிவின் விசாரணை அதிகாரி (crime branch)அறிக்கை தாக்கல் செய்ய வேண்டும்.
குற்றம் சாட்டப்பட்டவர்கள் விசாரணைக்கு ஆஜராகுவதில் இருந்து, விலக்கு அளிக்க முடியாது. அது தொடர்பாக தனியாக மனு தாக்கல் செய்ய வேண்டும் என கூறி விசாரணையை பிப்., 2 தேதிக்கு நீதிபதி ஜி.ஜெயவேல் தள்ளி வைத்தார்.