அமைச்சராக செந்தில் பாலாஜி நீடிப்பதை எதிர்த்த மேல்முறையீட்டு வழக்கை உச்சநீதிமன்றம் இன்று (case hearing) விசாரிக்கிறது.
கடந்த 2014ஆம் ஆண்டு அதிமுக ஆட்சியில் போக்குவரத்துத் துறை அமைச்சராக செந்தில் பாலாஜி பதவி வகித்தார்.
அப்போது போக்குவரத்து துறையில் வேலை வாங்கித் தருவதாக கூறி பணம் பெற்று மோசடியில் ஈடுபட்டதாக புகார் எழுந்தது. சென்னை எம்.பி, எம்.எல்.ஏ-க்கள் மீதான வழக்குகளை விசாரிக்கும் சிறப்பு நீதிமன்றத்தில் இந்த வழக்கு நடைபெற்று வருகிறது.
இந்த வழக்கில், உச்ச நீதிமன்ற உத்தரவின் அடிப்படையில், சென்னை மத்தியக் குற்றப்பிரிவு காவல்துறை, கடந்த செப்டம்பர் மாதம் கூடுதல் குற்றப்பத்திரிகை தாக்கல் செய்தது.
அதில் அதிகாரிகள், ஊழியர்கள் என சுமார் 900 பேர் குற்றம் சாட்டப்பட்டவர்களாகச் சேர்க்கப்பட்டிருப்பது தற்போது தெரிய வந்திருக்கிறது.
இந்த நிலையில் இந்த வழக்கு, சிறப்பு நீதிமன்ற நீதிபதி ஜெயவேல் முன்பு நேற்று முன்தினம் மீண்டும் விசாரணைக்கு வந்தது. அப்போது இரு தரப்பு வாதங்கைளையும் கேட்ட நீதிபதி விசாரணையை பிப். 2 தேதிக்கு தள்ளி வைத்தார்.
மேலும் இந்த வழக்கில், குற்றம் சாட்டப்பட்டோரை விசாரிக்க, சம்பந்தப்பட்ட அதிகாரிகளின் அனுமதி மற்றும் ஒப்புதல் கடிதம், குறித்த தற்போதைய நிலை குறித்து, மத்திய குற்றப்பிரிவின் விசாரணை அதிகாரி அறிக்கை தாக்கல் செய்ய வேண்டும்.
குற்றம் சாட்டப்பட்டவர்கள் விசாரணைக்கு ஆஜராகுவதில் இருந்து, விலக்கு அளிக்க முடியாது. அது தொடர்பாக தனியாக மனு தாக்கல் செய்ய வேண்டும் எனவும் கூறினார்.
இதற்கிடையே ஜாமீன் கேட்டு அமைச்சர் செந்தில்பாலாஜி தரப்பில் பல முறை மனு தாக்கல் செய்த நிலையில், அவருக்கு ஜாமின் தொடர்ந்து மறுக்கப்பட்டு வருகிறது.
இந்த சூழலில் செந்தில் பாலாஜியின் நீதிமன்ற காவல் முடிவடைந்த நிலையில், சிறையில் இருந்தபடியே காணொளி மூலம் நீதிபதி முன் ஆஜர்படுத்தப்பட்டார் .
அப்போது செந்தில் பாலாஜியின் நீதிமன்றக் காவலை ஜன 11ம் தேதி வரை நீட்டித்து எம்.பி., எம்.எல்.ஏ. சிறப்பு நீதிமன்றம் உத்தரவு பிறப்பித்தது.
இதற்கிடையே சிறையில் உள்ள அமைச்சர் செந்தில் பாலாஜி இலாகா இல்லாத அமைச்சராக நீடிப்பதற்கு எதிராகத் வழக்குத் தொடரப்பட்டது.
இதையும் படியுங்க : https://itamiltv.com/heavy-rains-in-chennai-rain-will-continue-in-tamil-nadu-till-january-10/
இந்த வழக்கை விசாரித்த சென்னை உயர்நீதிமன்றம், செந்தில் பாலாஜி அமைச்சராக நீடிப்பது குறித்து முதலமைச்சரே முடிவெடுக்கலாம். இது குறித்து முதலமைச்சர் தான் முடிவெடுக்க வேண்டும் என்று தெரிவித்தது.
இந்நிலையில் அமைச்சராக செந்தில் பாலாஜி நீடிப்பதை எதிர்த்த மேல்முறையீட்டு வழக்கை உச்சநீதிமன்றம் இன்று (case hearing) விசாரிக்கிறது.
அமைச்சராக செந்தில் பாலாஜி நீடிப்பது பற்றி முதல்வரே முடிவு செய்ய வேண்டும் என்ற சென்னை உயர்நீதிமன்ற தீர்ப்புக்கு எதிராக வழக்கறிஞர் எம்.எல்.ரவி மேல்முறையீடு செய்திருந்தார்.