ஹிந்தி திரையுலகின் முன்னணி சூப்பர் ஸ்டாரில் ஒருவராக திகழ்பவர் ஷாருக்கான் ( shahrukh khan ). தற்போது அட்லி இயக்கும் முதல் ஹிந்தி திரைப்படமான ஜாவான் திரைப்படத்தில் நடித்து வருகிறார்.இந்த திரைப்படத்தில் ஷாருக்கானுக்கு ஜோடியாக நடிகை நயன்தாரா நடித்திருக்கிறார்.
இந்நிலையில் இன்று தனது 57வது பிறந்த நாளை கொண்டாடுகிறார் நடிகர் ஷாருக்கான். இதனால் ஷாருக்கான் பிறந்த நாளையொட்டி பதான் படத்தின் டீசர் தற்போது வெளியாகி உள்ளது.
இந்த திரைப்படத்தில் நடிகர் ஷாருக்கானுக்கு ஜோடியாக தீபிகா படுகோனே நடித்திருக்கிறார்.மேலும் பிரபல பாலிவுட் நடிகர் ஜான் ஆபிரகாம் இந்த திரைப்படத்தில் முக்கிய கதாபாத்திரத்தில் நடித்திருக்கிறார்.அதிரடி சண்டை காட்சிகளுடன் கூடிய டீசர் தற்போது ரசிகர்களின் கவனத்தை ஈர்த்து வருகிறது.
ஷாருக்கான் அதிரடியாக கலக்கியுள்ள இந்த திரைப்படம் வரும் 2023 ஜனவரி 25ஆம் தேதி தமிழ், தெலுங்கு, கன்னடம், மலையாளம் என பல மொழிகளில் வெளியாகும் என்று எதிர்பார்க்கப்படுகிறது. இந்த டிசரை தற்போது பெருமளவில் ரசிகர்கள் பார்த்துள்ளனர, மேலும் இந்த பதிவு வைரலாக பரவி வருகிறது.
