ஆர்.ஜே.பாலாஜியின் புதுவித நடிப்பில் உருவாகி உள்ள சிங்கப்பூர் சலூன் (Singapore Saloon) படத்தின் ட்ரைலர் வெளியாகி நல்ல வரவேற்பை பெற்று வருகிறது .
கோவையில் உள்ள ரேடியோவில் தனது கலைப்பயணத்தை தொடங்கியவர் தான் ஆர்.ஜே.பாலாஜி.
ரேடியோவில் இருந்து வெள்ளித்திரைக்கு முன்னேறி வந்து ஆரம்ப காலத்தில் துணை நடிகராக கால் பதித்து இன்று தமிழ் சினிமாவின் தவரிக்க முடியாத ஒரு அங்கமாக உருவெடுத்துள்ளார்.
நடிப்பு இயக்கம் என அனைத்திலும் பட்டய கிளப்பி வரும் ஆர்.ஜே.பாலாஜி LKG படத்தின் மூலம் இயக்குனராகவும் கதாநாயகனாகவும் அறிமுகமாகி அடுத்தடுத்து 3 வெற்றி படங்களையும் இயக்கிவிட்டார்.
இந்நிலையில் தற்போது ஆர்.ஜே.பாலாஜியின் புதுவித நடிப்பில் உருவாகி உள்ள திரைப்படம் தான் சிங்கப்பூர் சலூன் .
வேல்ஸ் ஃபிலிம் இன்டர்நேஷனல் தயாரித்துள்ள இந்தப் படத்தை ரெட் ஜெயின்ட் நிறுவனம் வெளியிடுகிறது.
கோகுல் இயக்கும் இந்த படத்தில் ஆர்.ஜே.பாலாஜிக்கு ஜோடியாக ஷிவானி நாராயணன் நடிக்க இவர்களுடன் சத்யராஜ், லால், ரோபோ ஷங்கர் உள்ளிட்டோர் முக்கிய கதாபாத்திரங்களில் நடித்துள்ளனர்.
ரசிகர்களின் மிக பெரிய எதிர்பார்ப்புகளுக்கிடேயே உருவாகி உள்ள இப்படத்தின் அப்டேட் கேட்டு ரசிகர்கள் கமன்ட் செய்து வந்த நிலையில் தற்போது படக்குழு சிறப்பான சம்பவம் ஒன்றை செய்துள்ளது.
அது வேறு ஒன்றும் இல்லை இப்படத்தின் ட்ரைலரை வெளியிட்டு ரசிகர்களின் இன்ப அதிர்ச்சி கொடுத்துள்ளது படக்குழு .
லோகேஷ் கனகராஜ், ஜீவா கவுரவ வேடத்தில் நடித்துள்ள இப்படத்தில் காதல், காமெடி, சென்டிமென்ட் என ஒரு பக்கா ஃபேமிலி எண்டர்டெயினராக இப்படம் உருவாக்கப்பட்டிருப்பது நன்றாக தெரிகிறது.
முடி வெட்டுவது எல்லாம் குலத் தொழில்.. நமக்கு எப்படி செட் ஆகும்? என்று கேட்கும் தலைவாசல் விஜயிடம், இன்ஜினியரிங் என்ன நம்ம குலத் தொழிலா? என ஆர்.ஜே.பாலாஜி கேட்கும் வசனம் இளசுகளின் கவனத்தை வெகுவாக ஈர்த்துள்ளது.
Also Read :https://itamiltv.com/bhel-society-workers-go-on-strike-tomorrow/
மேலும் இப்படம் ஜனவரி 25 ஆம் தேதி உலகம் முழுவதும் உள்ள திரையரங்குகளில் கோலாகலமாக வெளியாக உள்ளதாகவும் படக்குழு தெரிவித்துள்ளது.
இந்நிலையில் ரசிகர்கள் மத்தியில் நல்ல வரவேற்பை பெற்று வரும் (Singapore Saloon) இப்படத்தின் ட்ரைலர் போல படமும் வெற்றி பெறுமா என்பதை நாம் காத்திருந்து பார்க்கலாம்.
