சிவகார்த்திகேயன் மற்றும் மடோன் அஸ்வின் காம்போவில் உருவான மாவீரன் திரைப்படம் ரசிகர்களின் அமோக ஆதரவை பெற்று மாபெரும் வசூல் ஈட்டியுள்ளதாக படக்குழு ஸ்பெஷல் போஸ்டர் ஒன்றை வெளியிட்டுள்ளது .
தமிழ் சினிமாவில் தளபதி விஜய்க்கு பிறகு குழந்தைங்களை கவர்ந்த நடிகர் யார் என்றால் அது சிவகார்த்திகேயன் தான் . படத்திற்கு படம் வித்தியாசம் காட்டும் இவரது நடிப்பில் கடந்த மாதம் 14 ஆம் தேதி உலகம் முழுவதும் உள்ள திரையரங்குகளில் கோலாகலமாக வெளியான திரைப்படம் தான் மாவீரன் .
தேசிய விருது பெற்ற இளம் இயக்குநர்கள் பட்டியலில் சத்தமின்றி இணைந்துள்ள மடோன் அஸ்வின் இயக்கத்தில், எஸ்.கேவின் புதுவித நடிப்பில் புத்தம் புது கதைக்களத்தில் உருவாகியுள்ள மாவீரன் படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் நல்ல வரவேற்பு கிடைத்து வருகிறது .
குடும்பங்கள் கொண்டாடும் சூப்பர் டூப்பர் படமாக உருவெடுத்துள்ள இப்படத்தில் எஸ்.கே-வுக்கு ஜோடியாக அதிதி நடிக்க சுனில், யோகி பாபு, சரிதா, மிஸ்கின் உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடித்துள்ளனர்.மேலும் இப்படத்தில் மக்கள் செல்வன் விஜய்சேதுபதி தனது குரல் மூலம் நடித்திருப்பது குறிப்பிடத்தக்கது.
திரையரங்குகளில் வெற்றிநடை போட்டு வந்த இப்படம் பிரபல ஓடிடி தளமான அமேசான் ப்ரைம் ஓடிடி தளத்தில் நாளை முதல் வெளியாக உள்ளது .
இந்நிலையில் திரையரங்குகளில் சக்கை போடு போட்டு வந்த மாவீரன் படம் உலகம் முழுவதும் 89 கோடிக்கும் மேல் வசூல் செய்துள்ளதாக படக்குழு ஸ்பெஷல் போஸ்டர் ஒன்றை வெளியிட்டுள்ளது .
சிவகார்த்திகேயனின் 100 கோடி கலெக்சன் படங்களில் ஒன்றாக திட்டத்தட்ட நெருங்கிவிட்ட இப்படம் அவரது மனதிற்கு மிகவும் நெருக்கமான படம் என்று அவரே கூறிருப்பது குறிப்பிடத்தக்கது .
