திரையரங்குகளில் ரசிகர்களின் அமோக ஆதரவு பெற்று சக்கை போடு போட்டு வந்த சிவகார்த்திகேயன் மாவீரன் திரைப்படம் இன்று ஓடிடி-யில் வெளியாகியுள்ளது .
தனது அயராத உழைப்பால் தமிழ் சினிமாவில் தற்போது டாப் 5 ஹீரோக்களில் ஒருவராக வலம் வருபவர் நம்ப வீட்டுப்பிள்ளை சிவகார்த்திகேயன். தளபதிக்கு பின் குழந்தைங்களை அதிகளவில் கவர்ந்த உச்ச நடிகராக மாறிய சிவகார்த்திகேயனின் நடிப்பில் கடந்த மாதம் 14 ஆம் தேதி உலகம் முழுவதும் உள்ள திரையரங்குகளில் கோலாகலமாக வெளியான திரைப்படம் தான் மாவீரன் .
தேசிய விருது பெற்ற இளம் இயக்குநர்களில் ஒருவராக வலம் வரும் மடோன் அஸ்வின் இயக்கத்தில், எஸ்.கேவின் மாறுபட்ட நடிப்பில் சென்சிட்டிவான கதைக்களத்தில் உருவாகியுள்ள மாவீரன் படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் நல்ல வரவேற்பு கிடைத்து வருகிறது .
குடும்பங்கள் கொண்டாடித்தீர்க்கும் சூப்பர் டூப்பர் படமாக உருவெடுத்துள்ள இப்படத்தில் எஸ்.கே-வுக்கு ஜோடியாக அதிதி நடிக்க சுனில், யோகி பாபு, சரிதா, மிஸ்கின் உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடித்துள்ளனர்.மேலும் இப்படத்தில் மக்கள் செல்வன் விஜய்சேதுபதி தனது குரல் மூலம் அவரது பங்களிப்பை சிறப்பாக கொடுத்துள்ளார்
சிவகார்த்திகேயனின் ப்ளாக் பஸ்டர் படங்களில் ஒன்றாக இடம்பிடித்துவிட்ட இப்படம் அவரது மனதிற்கு மிகவும் நெருக்கமான படம் என்று அவரே பல பேட்டிகளில் கூறிருப்பது குறிப்பிடத்தக்கது .
இந்நிலையில் நேற்று வரை திரையரங்குகளில் வெற்றிநடை போட்டு வந்த இப்படம் தற்போது பிரபல ஓடிடி தளமான அமேசான் ப்ரைம் ஓடிடி தளத்தில் வெளியாகி உள்ளது.
