எல்லைத்தாண்டி மீன் பிடித்ததாகக் கூறி தமிழக மீனவர்கள் 8 பேரை இலங்கை கடற்படை கைது செய்துள்ளது.
ராமேஸ்வரத்தைச் சேர்ந்த மீனவர்கள் தனுஷ்கோடிக்கும் தலைமன்னாருக்கும் இடைப்பட்ட பகுதியில் மீன்பிடித்துக் கொண்டிருந்த போது திடீரென வந்த இலங்கை கடற்படை மீனவர்களின் படகை நிறுத்தி அவர்களிடம் விசாரணை நடத்தியதாக கூறப்படுகிறது.
இதையடுத்து மீனவர்கள் சென்ற விசைப்படகை பறிமுதல் செய்து மீன்வர்களையும் கைது செய்த இலங்கை கடற்படை , அனைவரையும் மன்னார் கடற்படை முகாமுக்கு அழைத்துச் சென்றனர்.
Also Read : பிரபல நகைச்சுவை நடிகர் பிஜிலி ரமேஷ் காலமானார்..!!
ஒரு பக்கம் இலக்கை கடற்படை மீனவர்களை கைது செய்ய மறுபக்கம் இந்திய மீனவர்கள் மீது இலங்கை கடற்கொள்ளையர்கள் நடுக்கடலில் தாக்குதல் நடத்தியுள்ளதாக அதிர்ச்சி தகவல் வெளியாகி உள்ளது.
நாகை மாவட்டம் செருதூர் கிராமத்தைச் சேர்ந்த மீனவர்கள் நேற்று மாலை கோடியக்கரைக்கு தென்கிழக்கே மீன் பிடித்துக்கொண்டிருந்த போது, 3 படகுகளில் ஆயுதங்களுடன் வந்த இலங்கை கொள்ளையர்கள் தாக்குதல் நடத்தியுள்ளனர்
இந்த கடும் தாக்குதலில் படகின் எஞ்சின், ஜி.பி.எஸ்., வலை, பிடித்த மீன்களை ஆகியவற்றை பறித்துச் சென்றுள்ளனர் . இதையடுத்து வெட்டுபட்டு படுகாயங்களுடன் மீனவர்கள் நாகை அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளனர்.
