விசைப்படகில் மீன் பிடிக்கச் சென்ற வேதாரண்யம் மீனவர்கள் மீது நடுக்கடலில் இலங்கை கடற்கொள்ளையர்கள் கொலை வெறி தாக்குதல் நடத்திய சம்பவம் பெரும் பரபரப்பை ஏற்படுத்தியுள்ளது.
வேதாரண்யம் மீனவர்கள் 7 பேர் ஆற்காட்டுத்துறை கடற்கரையில் இருந்து 22 கடல் மைல் தூரத்தில் விசைப்படகில் மீன்பிடித்துக் கொண்டிருந்தனர் . அப்போது திடீரென 3 பைபர் படகுகளில் வந்த இலங்கை கடல் கொள்ளையர்கள் தமிழக மீனவர்கள் மீது கண்மூடித்தனமான தாக்குதல் நடத்தியுள்ளனர் .
நடுக்கடலில் இலங்கை கடற்கொள்ளையர்கள் நடத்திய கொலை வெறி தாக்குதலில் காயமடைந்த மீனவர்கள் தற்போது மருத்துவமனையில் சிகிச்சை பெற்று வருகினர்.
தகவல் அறிந்து மீனவர்கள் சிகிச்சை பெரும் மருத்துவமனைக்கு வந்த போலீசார் தாக்குதல் குறித்து விசாரித்த போது நடுக்கடலில் மீன் பிடித்து கொண்டிருந்ததாகவும் இரவு நேரத்தில் 3 பைபர் படகுகளில் எங்களை சுற்றி வளைத்த இலங்கை கடற்கொள்ளையர்கள் கம்பி ,கட்டை உள்ளிட்ட ஆயுதங்களால் எங்களை தாக்கிவிட்டு எங்களிடம் இருந்த 800 கிலோ மீன்பிடி வலை, திசை காட்டும் கருவி, செல்போன் உள்ளிட்ட ₹5 லட்சம் மதிப்புள்ள பொருட்களை பறித்துச் சென்றதாக பாதிக்கப்பட்ட மீனவர்கள் தெரிவித்துள்ளனர் .
