திரையரங்குகளில் வெற்றிகரமாக ஓடிய சூப்பர்ஸ்டாரின் ஜெயிலர் படம் பிரபல ஓடிடி தளமான அமேசான் ப்ரைம் ஓடிடி தளத்தில் இன்று வெளியாகியுள்ளது .
நெல்சனின் அசரவைக்கும் இயக்கத்தில் சூப்பர் ஸ்டார் ரஜினிகாந்தின் மிரட்டலான நடிப்பில் சமீபத்தில் வெளியான திரைப்படம் ஜெயிலர். சன் பிச்சர்ஸ் நிறுவனத்தின் மாபெரும் பொருட்செலவில் இப்படம் மிக பிரம்மாண்டமாக தயாரிக்கப்பட்டது .
ரசிகர்களின் தாறுமாறான எதிர்பார்ப்புகளுக்கிடையே கடந்த மாதம் 10 ஆம் தேதி திரையரங்குகளில் கோலாகலமாக வெளியான இப்படம் வசூல் ரீதியாகவும், விமர்சன ரீதியாகவும் மாபெரும் வெற்றி படமாக உருவெடுத்தது .
ராக் ஸ்டார் அனிருத்தின் மாஸான இசையமைப்பில் உருவானா இப்படத்தில் சூப்பர் ஸ்டார் ரஜினிகாந்துடன் கவர்ச்சி நாயகி தமன்னா, மோகன் லால், சிவராஜ்குமார் , ரம்யா கிருஷ்ணன், யோகி பாபு ,வசந்த் ரவி , ரெடின் உள்ளிட்ட பல முன்னணி நட்சத்திரங்கள் தங்களது நடிப்பை சிறப்பாக வெளிப்படுத்தியுள்ளனர்.
ஜெயிலர் படம் திரையரங்குகளில் வெளியான முதல் நாளில் இருந்தே நல்ல வசூலை ஈட்ட தொடங்கிய நிலையில் இதுவரை இப்படம் உலகளவில் ரூ. 600 கோடி வரை வசூல் செய்துள்ளது.மேலும் இப்படம் அமேசான் ப்ரைம் ஓ.டி.டி தளத்தில் வெளியாகும் என்று படக்குழு அதிகாரப்பூர்வ அறிவிப்பை வெளியிட்டிருந்தது.
அந்தவகையில் தலைவரின் ஜெயிலர் படம் தற்போது அமேசான் ப்ரைம் ஓ.டி.டி தளத்தில் வெளியாகியுள்ளது இதுநாள் வரை திரையரங்குகளில் ஜெயிலர் படத்தை கொண்டாடி வந்த ரசிகர்கள் தற்போது ஓ.டி.டி தளத்திலும் தலைவரின் அசரவைக்கும் நடிப்பை கண்டு கொண்டாடி வருகின்றனர் .
