தளபதி விஜய் மற்றும் லோகேஷ் ஆகியோரின் காம்போவில் மாஸாக உருவாகியுள்ள லியோ திரைப்படம் ரசிகர்களின் ஏகபோக எதிர்பார்ப்புகளுக்கிடையே கேரளாவில் இன்று அதிகாலை கோலாகலமாக வெளியாகி உள்ளது.
செவன் ஸ்கிரீன் ஸ்டூடியோஸ் தயாரிக்கும் இப்படத்தில் தளபதி விஜய்யுடன் சேர்ந்து திரிஷா, அர்ஜுன், சஞ்சய் தத், பிரியா ஆனந்த், மன்சூர் அலிகான், மிஷ்கின், கௌதம் வாசுதேவ் மேனன், டான்ஸ் மாஸ்டர் சாண்டி, மேத்யூ தாமஸ் உள்ளிட்ட பல முன்னணி நட்சத்திரங்கள் முக்கிய கதாபாத்திரத்தில் நடித்துள்ளனர்.
தமிழ் மட்டுமின்றி தெலுங்கு, கன்னடம், இந்தி உள்ளிட்ட பல மொழிகளில் இன்று வெளியாக உள்ள இப்படத்திற்கு ராக்ஸ்டார் அனிருத் இசையமைத்துள்ளார் .
இந்நிலையில் தமிழகத்தில் லியோ படத்தின் அதிகாலை சிறப்பு காட்சியை வெளியிட தமிழக அரசு மறுத்துவிட்டதால் தமிழகத்தின் நட்பு மாநிலமான கேரளாவில் அதிகாலை 4 மணிக்கு ரசிகர்கள் ஆவலுடன் எதிர்பார்த்த லியோ திரைப்படம் வெளியானது.
அதிகாலை 4 மணி காட்சி என்பதால் கேரள மாநிலம் பாலக்காடு நியூ அரோமா திரையரங்கம் முன்பு குவிந்த ஏராளமான ரசிகர்கள் DJ வைத்து ஆட்டம் பாட்டத்துடன் பட்டையை கிளப்பி வருகின்றனர்.
