நடிகர் கமல்ஹாசனின் 234-வது படமான ‘தக் லைஃப்’ (thug life) திரைப்படத்தின் முதல்கட்ட படப்பிடிப்பு நிறைவடைந்துள்ளதாகத் தகவல் வெளியாகியுள்ளது.
நடிகர் கமல்ஹாசன் – மணிரத்னம் கூட்டணியில் உருவாகும் திரைப்படம் தக் லைஃப்.
நாயகன் படத்துக்கு பிறகு, 36 ஆண்டுகள் கழித்து கமல்ஹாசன், மணிரத்னம் ஆகியோர் இந்த படத்தில் மீண்டும் இணைந்துள்ளனர்.
நாயகன் படத்தை போல தக் லைஃப் (thug life) படமும் கேங்ஸ்டர் ஜானரில் உருவாகி வருகிறது. கமல்ஹாசனின் 234-வது திரைப்படமான தக் லைஃப் திரைப்படத்தில் த்ரிஷா, ஜெயம் ரவி, உட்பட பலர் நடிக்கின்றனர்.
தக் லைஃப் படப்பிடிப்பு கடந்த வாரம் 24ம் தேதி சென்னையில் தொடங்கியது. இந்த படத்தின் ஷூட்டிங்கில் கமல் பங்கேற்ற போட்டோவும் சமீபத்தில் வெளியாகியிருந்தது. அதில் மீசை, தாடி இல்லாமல் சூப்பரான லுக்கில் மாஸ் காட்டினார்.
ரெட் ஜெயன்ட் மூவிஸ், ராஜ்கமல் பிலிம்ஸ் இன்டர்நேஷனல், மணிரத்னத்தின் மெட்ராஸ் டாக்கீஸ் நிறுவனங்கள் இணைந்து தயாரிக்கும் இப்படத்திற்கு ஏ.ஆர். ரஹ்மான் இசையமைக்கிறார்.
இப்படத்தில் துல்கர் சல்மானும் நடிக்கவுள்ளார். அதே போல் ஜெகமே தந்திரம், மதுரம், ஜோசப் போன்ற படங்கள் மூலமாக புகழ்பெற்ற மலையாள நடிகர் ஜோஜு ஜார்ஜ் மற்றும் கௌதம் கார்த்திக் இணைந்துள்ளதாக படக்குழு சமீபத்தில் அறிவித்திருந்தது.
இதன் அறிமுக வீடியோ வெளியாகி ரசிகர்களைக் கவர்ந்தது. இந்த நிலையில் இப்படத்தின் முதல்கட்ட படப்பிடிப்பு நிறைவடைந்துள்ளதாகத் தகவல் வெளியாகியுள்ளது.
கமல்ஹாசன், ஜோஜு ஜார்ஜ், அபிராமி ஆகியோருக்கான காட்சி படமாக்கப்பட்டதாக கூறப்பட்டுள்ளது.
இதில் கமல், ஜோஜூ ஜார்ஜ் ஆகியோரின் ரெட்ரோ லுக் செம்மையாக இருக்கும் எனவும் சொல்லப்படுகிறது
இதையும் படிங்க : பழநி கோவில் வழிபாடு : மத நல்லிணக்கத்தை சீர்குலைக்கும் தீர்ப்பு.. வைகோ!
இதனைத் தொடர்ந்து தக் லைஃப்பின் அடுத்தக்கட்ட படப்பிடிப்பு விரைவில் தொடங்கும் என எதிர்பார்க்கப்படுகிறது.
அதன்படி இரண்டாவது ஷெட்யூல் ஷூட்டிங் மார்ச் மாதம் தொடங்கும் என கோலிவுட் வட்டாரங்கள் தெரிவிக்கின்றன
இதற்கிடையே இந்த படத்தின் அடுத்தக்கட்ட படப்பிடிப்பிற்காக படக்குழு ரஷ்யா செல்ல இருப்பதாகவும் தகவல் வெளியாகியுள்ளது.