நடிகர் விஜய்யின் தி கோட் படம் திரையரங்குகளில் வெளியாகி நல்ல வரவேற்பை பெற்று வரும் நிலையில் தற்போது அப்படத்தின் மட்ட வீடியோ பாடலை படக்குழு வெளியிட்டுள்ளது.
தமிழ் சினிமாவில் பிரபல தயாரிப்பு நிறுவனமாக விளங்கி வரும் AGS நிறுவனத்தின் மாபெரும் பொருட் செலவில் தயாரிக்கப்பட்டுள்ள திரைப்படமே தி கோட்.
வெங்கட் பிரபு இயக்கத்தில் விஜய் நடிப்பில் உருவாகி உள்ள இப்படத்தில் விஜய்யுடன் சேர்ந்து இப்படத்தில் பிரஷாந்த் , பிரபுதேவா , சினேகா உள்ளிட்ட பல முன்னணி நட்சத்திரங்கள் நடித்துள்ளனர்.
Also Read : ‘THUG LIFE’ படப்பிடிப்பு நிறைவு – சிறப்பு வீடியோவை வெளியிட்ட படக்குழு..!!
யுவன் ஷங்கர் ராஜா இசையமைத்துள்ள இப்படம் கடந்த 5 ஆம் தேதி உலகம் முழுவது, உள்ள திரையரங்குகளில் வெளியானது .வெளியான முதல் நாளில் இப்படத்தின் மீது கலவையான விமர்சனங்கள் எழுந்து வரும் நிலையில் வசூலில் தூள் கிளப்பி வருவதாக தகவல் வெளியாகி உள்ளது.
இந்நிலையில் இப்படத்தில் விஜய் மற்றும் திரிஷா நடனத்தில் இடம்பெற்று ரசிகர்களின் அமோக வரவேற்பை பெற்ற மட்ட என்ற வீடியோ பாடலை படக்குழு வெளியிட்டுள்ளது.
