மாவீரன் திரைப்படத்தின் சில காட்சிகளில் கண்கலங்க நேர்ந்தது .மக்கள் குரலின் பிரதிபலிப்பாக இப்படம் உள்ளதாக விடுதலை சிறுத்தைகள் கட்சி தலைவர் தொல்.திருமாவளவன் தெரிவித்துள்ளார்.
நகைச்சுவை நாயகன் யோகி பாபுவை வைத்து மண்டேலா என்ற டாப்பு டக்கர் கமெர்சியல் படத்தை இயக்கிய மடோன் அஸ்வின் இயக்கத்தில், எஸ்.கேவின் நடிப்பில் புதுவித கதைக்களத்தில் உருவாகியுள்ள படம் மாவீரன் . கடந்த 14 ஆம் தேதி உலகம் முழுவதும் உள்ள திரையரங்குகளில் கோலாகலமாக வெளியான படத்திற்கு வசூல் ரீதியாகவும் விமர்சன ரீதியாகவும் நல்ல வரவேற்பு கிடைத்து வருகிறது .
குடும்பங்கள் கொண்டாடும் படமாக உருவெடுத்துள்ள இப்படத்தில் எஸ்.கே-வுக்கு ஜோடியாக இயக்குனர் ஷங்கரின் செல்ல மகள் அதிதி நடிக்க சுனில், யோகி பாபு, சரிதா, மிஸ்கின் உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடித்துள்ளனர்.மேலும் இப்படத்தில் மக்கள் செல்வன் விஜய்சேதுபதி தனது குரல் மூலம் நடித்திருப்பது குறிப்பிடத்தக்கது.
திரையரங்குகளில் சக்கை போடு போட்டு வரும் இப்படத்தை கண்ட திரை பிரபலங்கள் அரசியல் தலைவர்கள் மாவீரன் படக்குழுவை வெகுவாக பாராட்டி வருகின்றனர் . அந்தவகையில் விடுதலை சிறுத்தைகள் கட்சி தலைவர் தொல்.திருமாவளவனும் மாவீரன் படம் குறித்து அவரது கருத்தை தெரிவித்துள்ளார் .
‘மாவீரன்’ திரைப்படத்தைப் பார்த்தபின் விடுதலை சிறுத்தைகள் கட்சியின் தலைவர் தொல்.திருமாவளவன் கூறியதாவது :
“மாவீரன் திரைப்படத்தில் சிவகார்த்திகேயன் சிறப்பாக நடித்துள்ளார்; சில காட்சிகளில் கண்கலங்க நேர்ந்தது; மக்கள் குரலின் பிரதிபலிப்பாக இப்படம் உள்ளது; ஏழை எளிய மக்களின் சூழ்நிலைகளை அரசுக்கு எடுத்துச் சொல்லும் வகையில் கதை அமைந்துள்ளது..” என திருமாவளவன் தெரிவித்துள்ளார் .
