சென்னையில் கோலாகலமாக நடைபெற இருக்கும் ரேசிங் சர்க்யூட் பார்முலா 4 பந்தயத்துக்கான டிக்கெட் விலை அறிவிக்கப்பட்டுள்ளது.
சென்னையில் வரும் டிச. 9,10 ம் தேதிகளில் நடைபெறவுள்ள, தெற்காசியாவின் முதல் ஃபார்முலா 4 சர்வதேச இந்தியன் சாம்பியன்ஷிப் மற்றும் ஃபார்முலா 4 இந்தியன் ரேசிங் லீக் இரவு நேர கார் பந்தயங்களுக்கான டிக்கெட்டுகள், விற்பனையை தமிழ்நாடு விளையாட்டு மேம்பாட்டு ஆணையம் அறிவித்துள்ளது.
கோலாகலமாக நடைபெற இருக்கும் கார் பந்தய போட்டிகளை காண டிக்கெட்டுகள் பெற விரும்புவோர் PAYTM INSIDER-ல் முன்பதிவு செய்து கொள்ளலாம் என தெரிவிக்கப்பட்டுள்ளது.
சென்னை தீவுத்திடலில் நடக்கும் பார்முலா 4 சர்வதேச கார் பந்தயத்துக்கான டிக்கெட் கட்டண விபரம் :
பிரீமியம், கேலரி 1, கேலரி 2, கேலரி 3, கேலரி 4, கேலரி 5 உள்ளிட்ட 8 பிரிவுகளில் டிக்கெட் விற்பனை செய்யப்படுகிறது .
வரும் டிச.9,10 ஆகிய இரண்டு நாளுக்கான போட்டியை காண ₹2,125 – ₹16,999 வரை டிக்கெட் கட்டணமாக நிர்ணயம் செய்யப்பட்டுள்ளது.
இதுவரை இல்லாமல் முதல் முறையாக சென்னையில் மிக பிரம்மாண்டமாக நடைபெற இருக்கும் இந்த கார் பந்தய போட்டிகளை காண விரும்புவோர் இந்த வாய்ப்பை பயன்படுத்திக்கொண்டு போட்டிகளை கண்களிக்குமாறு கேட்டுக்கொள்ளப்படுகிறது.
