கேரளாவில் நிபா வைரஸ் காய்ச்சல் அதிகரிக்கத் தொடங்கியுள்ள நிலையில் மலப்புரம் மாவட்டத்தைச் சேர்ந்த் 14 வயது சிறுவன் நிபா வைரஸால் பாதிக்கப்பட்டு பரிதாபமாக உயிரிழ்ந்துள்ளார்.
இந்நிலையில் நிபா வைரஸ் பாதிப்பிலிருந்து தற்காத்துக்கொள்ள தமிழக அரசு தற்போது வழிகாட்டு நெறிமுறைகளை வெளியிட்டுள்ளது.
தமிழ்நாடு சுகாதாரத்துறை வெளியிட்டுள்ள வழிகாட்டு நெறிமுறைகள் :
காய்ச்சல், தலைவலி, மயக்கம், சுவாசப் பிரச்சினை, மனநலப் பிரச்சினை ஆகியவை முக்கிய அறிகுறிகளாகும்.
அறிகுறிகள் கண்டறியப்படும் நோயாளிகள் மற்றும் அவரது தொடர்பில் இருப்பவர்கள் 21 நாட்கள் தனிமைப்படுத்துதல் அவசியம்.
அறிகுறிகள் கண்டறியப்பட்ட நோயாளிகள் உடனடியாக கண்டறிந்து உரிய பரிசோதனையை மேற்கொள்ள வேண்டும். பரிசோதனையின் முடிவுகளை தொடர்ந்து சுகாதாரத்துறைக்கு உடனுக்குடன் தெரிவிக்க வேண்டும்.
பரிசோதனை மேற்கொள்ளும்போது உரிய பாதுகாப்பு கவசம் அணிந்து சுகாதாரத் துறையினர் நோயாளிகளை கையாள வேண்டும்.
ரத்தம், தொண்டை சளி மற்றும் சிறுநீர் மாதிரிகள் எடுக்க வேண்டும்.
நோயாளிகளிடம் இருந்து எடுக்கப்படும் மாதிரிகள் 2 முதல் 8 டிகிரி செல்சியஸ் வெப்பநிலையில் பாதுகாக்கப்பட்டு 48 மணி நேரத்திற்குள் ஆய்வகத்திற்கு அனுப்பப்பட வேண்டும்.
காய்கள் மற்றும் பழங்களை சாப்பிடும் போது நன்றாக கழுவி பயன்படுத்த வேண்டும்.
கிணறுகள், குகைப் பகுதிகள், தோட்டங்கள், இருள் சூழ்ந்த பகுதிகளில் செல்வதை தவிர்க்க வேண்டும்
