மிக்ஜாம் புயல் ஏற்படுத்திய தாக்கத்தால் தமிழகத்தில் உள்ள பல்வேறு மாவட்டங்களில் கனமழை கொட்டித்தீர்த்தது.அதிலும் குறிப்பாக சென்னை செங்கல்பட்டு காஞ்சிபுரம் திருவள்ளூர் உள்ளிட்ட மாவட்டங்களில் பெய்த கனமழையால் அப்பகுதிகள் முழுவதும் வெள்ளத்தில் மூழ்கியது.
இதையடுத்து புயல் ஏதும் இல்லாமல் தென் தமிழகத்தில் பெய்த வரலாறு காணாத மழையால் தென்மாவட்டங்களில் உள்ள குடியிருப்பு பகுதிகளில் வெள்ளம் சூழ்ந்து பொதுமக்கள் கடும் சிரமத்திற்கு ஆளாகி வருகின்றனர்.
இந்நிலையில் தற்போது மக்களுக்கு குடிநீரை வழங்கும் முக்கிய ஏரிகளின் இன்றைய நிலவரம் வெளியாகி உள்ளது.
முக்கிய ஏரிகளின் நீர் நிலவரம் :
புழல் ஏரியில் நீர்இருப்பு 3038 மில்லியன் கனஅடியாக உள்ளது. நீர்வரத்து 46 கனஅடியாக உள்ளது. சென்னை குடிநீருக்காக 159 கனஅடி நீர் வெளியேற்றப்பட்டு வருகிறது.
சோழவரம் ஏரியில் நீர்இருப்பு 770 மில்லியன் கனஅடியாக உள்ளது.
கண்ணன்கோட்டை – தேர்வாய்கண்டிகை ஏரியில் நீர்இருப்பு முழு கொள்ளவை எட்டி 18வது நாளாக உபரிநீர் வழிந்தோடுகிறது. நீர்வரத்து 16 கனஅடியாக உள்ளது.
சென்னை குடிநீர் ஏரிகளில் 90.5% நீர் இருப்பு நிலவரம்:
செம்பரம்பாக்கம் – 88.56%
புழல் – 92.06%
பூண்டி – 96.07%
சோழவரம் – 71.23%
கண்ணன்கோட்டை – 100%