தமிழகத்தில் கடந்த சில நாட்களாக பல்வேறு மாவட்டங்களில் கனமழை கொட்டு தீர்த்து வருகிறது .அதிலும் குறிப்பாக சில நாட்களுக்கும் முன் உருவான புயலால் சென்னை செங்கல்பட்டு காஞ்சிபுரம் திருவள்ளூர் உள்ளிட்ட மாவட்டங்களில் பெய்த கனமழையால் அப்பகுதிகள் முழுவதும் வெள்ளத்தில் மூழ்கியது.
![](https://i0.wp.com/itamiltv.com/wp-content/uploads/2023/12/image-871.png?resize=600%2C338&ssl=1)
இதையடுத்து புயல் ஏதும் இல்லாமல் தென் தமிழகத்தில் பெய்த வரலாறு காணாத மழையால் தென்மாவட்டங்களில் உள்ள குடியிருப்பு பகுதிகளில் வெள்ளம் சூழ்ந்து பொதுமக்கள் கடும் சிரமத்திற்கு ஆளாகி இருந்தனர் .
![](https://i0.wp.com/itamiltv.com/wp-content/uploads/2023/12/image-872.png?resize=1024%2C576&ssl=1)
இந்நிலையில் இந்த பேய் மழையால் மக்களுக்கு குடிநீரை வழங்கும் முக்கிய ஏரிகள் உடைந்து ஊருக்குள் வெள்ளம் புகுந்தது . இதையடுத்து தற்போது நிலைமை சீராகி வரும் நிலையில் சில முக்கிய ஏரிகளின் இன்றைய நிலவரம் குறித்த தகவல் வெளியாகி உள்ளது.
முக்கிய ஏரிகளின் நீர் நிலவரம் :
- 3300 மில்லியன் கன அடி கொள்ளளவு கொண்ட புழல் ஏரியின் நீரிருப்பு 2998 மில்லியன் கன அடியாக உள்ளது. 159 கன அடி நீர் வெளியேற்றம்!
- 1081 மில்லியன் கன அடி கொள்ளளவு கொண்ட சோழவரம் ஏரியின் நீரிருப்பு 777 மில்லியன் கன அடியாக உள்ளது. நீர்வரத்து வந்து 28 கன அடியாக உள்ளது!
- 500 மில்லியன் கன அடி கொள்ளளவு கொண்ட கண்ணன்கோட்டை – தேர்வாய்கண்டிகை ஏரியின் நீரிருப்பு முழு கொள்ளவை எட்டி 23வது நாளாக உபரிநீர் வழிந்தோடுகிறது. நீர்வரத்து வந்து 10 கன அடியாக உள்ளது!